Nota de prensa:
O VICEPRESIDENTE DA DEPUTACIÓN INSTA DE NOVO Á XUNTA A QUE MANTEÑA A EXISTENCIA DAS ÁREAS SANITARIAS DA MARIÑA E MONFORTE
Antonio Veiga afirmou que “esta demanda xa se aprobou no Pleno Provincial hai case dous anos e nel o PP lucense tamén se mostrou a favor do mantemento das áreas sanitarias actuais”
Veiga advertiu que “a creación da Xerencia Única de Lugo é un ataque a sanidade pública na provincia sen precedentes”
Lugo, 12 de agosto de 2011. O nacionalista Antonio Veiga, vicepresidente da Deputación de Lugo, na rolda de prensa posterior á Xunta de Goberno da Deputación, e fóra dos asuntos do día, instou á Xunta de Galiza a que no novo modelo de organización do sistema sanitario galego se garanta a existencia das Áreas Sanitarias da Mariña e de Monforte, mantendo o Hospital da Costa e o Hospital de Monforte como centros de referencia, coas competencias e servizos actuais.
Segundo explicou o vicepresidente da Deputación, Antonio Veiga, “tralas informacións aparecidas na prensa e diante dos movementos da Consellaría de Sanidade, vémonos obrigados a reiterar unha demanda xa aprobada hai case dous anos polo Pleno da Corporación Provincial (no que, aínda que se abstivo na votación, o portavoz do PP mostrou a súa clara posición ao respecto de manter as Áreas Sanitarias) posto que a Consellaría de Sanidade, aproveitando o mes de agosto, iniciou o proceso de reorganización do mapa sanitario galego, aprobando xa por Decreto o pasado 1 de agosto a integración da Área Sanitaria do Barco e Verín en Ourense e a do Salnés en Pontevedra. Esta decisión da Xunta de Galiza non é máis que o punto de partida para completar o proceso de centralización dos servizos sanitarios arredor das sete cidades galegas e que antes de final de ano vai ter o seu correlato en Lugo coa supresión da área de Monforte e da Mariña”.
O deputado nacionalista indicou que esta decisión vai implicar “unha volta atrás de case trinta anos na atención sanitaria que reciben os veciños das comarcas de Lemos, A Ribeira Sacra e A Mariña na medida que a distancia da atención se vai incrementar ao volver a centralizar os servizos, pero tamén vai significar unha volta atrás para o resto dos veciños e veciñas da provincia que teñen Lugo como Hospital de referencia posto que vai colapsar aínda máis os servizos do mesmo”. Antonio Veiga continuou explicando que “non temos dúbida algunha de que a creación da Xerencia Única de Lugo provocaría unha merma de calidade asistencial que se lle presta á poboación, e isto non pode consumarse porque sería avanzar no desmantelamento de servizos, particularmente en algo tan importante e sensíbel como na atención sanitaria” .
Veiga afirmou que “non é discutíbel que a creación da Xerencia Única de Lugo é un ataque a sanidade pública na provincia sen precedentes xa que vai significar que moitos veciños tanto do sur como do norte da provincia van ter o hospital de referencia á máis dunha hora do seu enderezo , vai significar que moitas especialidades que até agora se prestaban nos centros de Monforte e de Burela deixen de prestarse ou vai significar que o persoal sanitario que até agora traballaba en cada unha das áreas poida ser desprazado ao longo do conxunto da provincia. En definitiva a posta en marcha da Xerencia Única de Lugo converterá ao Hospital de Monforte, que actualmente atende a máis de 35.000 persoas, e ao de Burela que atende a preto de 72.000 en ambulatorios grandes sen especialidades e colapsaría o novo Hospital de Lugo”.
O Vicepresidente da Deputación rematou facendo unha dupla chamada tanto ao Goberno Galego como ao PP de Lugo, “nós non imos meter o dedo na ferida, nin facer memoria sobre quen atinou ou dixo a verdade en relación con este tema, simplemente agardamos que o PP de Lugo se poña do lado dos veciños das terras da Mariña e da Ribeira Sacra e sexa coherente co que votou aquí e polo tanto defenda o mantemento da área sanitaria da Mariña e de Monforte”. Asemade engadiu que “agardamos que o Goberno Galego paralice os plans para o desmantelamento das áreas sanitarias do norte e do sur da provincia porque entendemos que as relacións entre as diferentes administracións deben de fundamentarse no diálogo”, mais Veiga advertiu que “ no caso de que avancen na folla de ruta deseñada terannos enfronte”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
