Nota de prensa
O GOBERNO LOCAL FÍXOLLE CHEGAR A FOMENTO A SÚA PREOCUPACIÓN POLOS ACCIDENTES QUE SE ESTÁN A PRODUCIR NA VARIANTE DE BURELA.
Burela, 30 de agosto de 2011. O equipo de goberno expúxolle a Fomento nas últimas horas a súa preocupación polos numerosos accidentes que se están a producir na variante de Burela. Durante os meses de xuño, xullo e agosto rexistráronse sete sinistros, prácticamente todos no punto onde se ubica a ponte pola que discorre a estrada da Deputación cara Rúa.
O alcalde, José María González Barcia, sinalou que “na xuntanza que mantivemos onte na Demarcación de Estradas do Estado en Lugo plantexamos un problema que ven se ven producindo na nosa variante. Trátase da reiteración de accidentes que se rexistran xusto debaixo da ponte por onde pasa a estrada provincial que une Burela con Rúa”. O rexedor subliñou que “durante os meses de xuño, xullo e agosto se teñen producido sete accidentes, aos que acudiu o Grupo Municipal de Intervención Rápida. Excepto un estamos a falar de seis saídas de vía e a xuizo das persoas que integran este grupo se poden deber a varios factores: un deles, que non é descartable, poder ser a velocidade á que circulan os vehículos, pero tamén se apunta a que o asfalto poida estar deteriorado e a que poida haber substancias deslizantes no mesmo”.
Desde o goberno local amósanse satisfeitos porque “a receptividade foi absoluta, na Demarcacións de Estradas son conscientes da situación e están preparando as actuacións que levarán adiante nun prazo de tempo non moi longo para tentar solucionar este problema”. González Barcia confía en que “con esas actuacións se resolva un problema que, aínda que ata o de agora non ocasionou feridos dunha gravidade salientable, de reiterarse podería acontecer en calquera momento e poderían producirse mortes”.
O equipo de goberno burelés amósase satisfeito “coa receptividade que tivo Fomento onte en Lugo e puxémonos á súa disposición para facerlles chegar calquera documentación ou informe que o Concello poida ter para solucionar un problema que nos afecta aos usuarios desa vía. Agardamos que as solucións se poñan en marcha rápidamente e que non se produzan accidentes de xeito tan reiterado”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
