Nota de prensa
O profesorado da Mariña secundou o paro para frear as agresións contra o ensino público e contra o profesorado
En moitos centros de primaria pararon o 100% do profesorado
Todo o claustro de profesores do Ceip Santa María do Valadouro secundando o paro de media hora ''de brazos caídos'
Ribadeo, 20 de setembro de 2011.- O profesorado da Mariña secundou masivamente o paro de brazos caídos de hoxe contra os recortes en materia educativa que está a levar a cabo a Consellería de Educación da Xunta de Galiza. Na maioría dos centros houbo profesorado que simbolicamente fixo dito paro e en moitos centros de primaria foi o 100% do profesorado quen o fixo. Para a CIG-Ensino isto demostra que o profesorado non está de acordo e rexeita as medidas tomadas pola Consellaría ampliando o horario lectivo dos docentes e obrigando ao profesorado a facer funcións que non lles corresponden.
Todas estas medidas, que son tomadas de “de forma unilateral” e desprezando a representación do profesorado, están a empeorar a calidade do ensino público e as condicións do profesorado. A este respecto sinalar a ampliación do horario lectivo; a imposición de realizar tarefas que non lle corresponden; a desaparición de 1.200 postos de traballo, a supresión de 126 unidades ou o peche de 14 unitarias –na Mariña a de Vilaronte-, entre outras.
Así mesmo, rexeitamos a decisión do goberno do PP de recortar, de aquí a final de ano, un total de 8,7 millóns de euros que xa estaban consignados nos orzamentos deste ano. Un recorte que afecta ao ensino público, mentres se reforza o ensino privado coa creación de novas unidades ou a asignación extra de 220.000 € para centros concertados que imparten educación especial.
Tamén esta mobilización demostra que o profesorado está canso das continuas mensaxes de desprestixio por parte do Conselleiro de Educación “que poñen en tea de xuízo o seu traballo”. Entende que con esta política de propaganda a consellaría trata de xustificar medidas que van “en detrimento da calidade do noso traballo” e que se toman sobre un colectivo ao que xa se lle reduciu, nun 7%, o seu salario ou ao que se lle eliminou o dereito á xubilación anticipada”.
A CIG ve que as mobilizacións e a folga é a única saída que se lle deixou ao profesorado galego para parar as consecuencias negativas que as medidas terán na calidade do ensino público, nun ano no que hai máis alumnado e menos profesorado, o que provocará a masificación das aulas, imposibilitará os desdobres e a atención á diversidade ou atención individualizada, para loitar contra o fracaso escolar.
Para os días 21 e 27 deste mes hai convocadas dúas folgas no ensino e desde a CIG animamos ao profesorado da Mariña a secundala para frear as políticas de desprestixio e deterioro do ensino público.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
