Nota de prensa
O Pleno aprobará a liquidación do Orzamento 2010, demostrando que a Deputación mantén as contas saneadas e equilibradas
– Martínez avanzou que a sesión deste martes dará o visto e prace á conta xeral do organismo provincial correspondente á anualidade pasada logo de dar conta da documentación que reflexa o ciclo económico de dito ano
– O voceiro destaca que “sen deixar de investir” cun plan de obras de 60 millóns ou saldando débedas como a do canon ou o servizo contraincendios, reduciuse a débeda nun 14% así como o prazo de pago de facturas, situándoo en 33 días fronte ós 39 da Xunta
– O Deputado adianta que, froito da boa xestión e como resultado dunhas contas saneadas e equilibradas, a institución luguesa comezará a devolver ó Estado en xaneiro e durante 5 anos a cantidade correspondente da liquidación de 2009 que suma 22 millóns de euros
O voceiro provincial socialista, Manuel Martínez, avanzou que o vindeiro martes o Pleno aprobará a conta xeral da Deputación de 2010 para, a continuación, poñelo a disposición do Tribunal de Contas tal e como rixe a lei. A documentación que se presentará á sesión inclúe toda a actividade orzamentaria da institución luguesa durante dito período, é dicir, o ciclo económico dun ano, dende a aprobación do presuposto ata a súa liquidación. Manuel Martíñez destacou que estes informes reflexan que, “sen deixar de investir”, a Deputación mantén as súas contas saneadas e equilibradas.
Como mostra da boa situación financeira da institución luguesa, o Deputado de Xestión Territorial enumerou as principais conclusións da documentación que se presentará ó Pleno:
1.- O Orzamento de 2010 ascendeu a 114 millóns de euros. Isto permitiu poñer en marcha o Plan Extraordinario de Obra Pública que levou actuacións a todos os municipios lucenses por un valor total de 60 millóns de euros, mantendo centos de postos de traballo; liquidar grandes débedas históricas na provincia como a do canon hidroeléctrico mediante o investimento de 11 millóns de euros en obras acordadas cos 16 Alcaldes dos Concellos afectados; ou poñer fin á discriminación que sufría Lugo, a única provincia galega que non contaba con servizo contraincendios, coa construción e dotación de 5 novos parques de bombeiros grazas á creación en 2008 do Consorcio Provincial, organismo financiado ó 50% por Deputación e Xunta; ademais de executar as primeiras partes de 3 proxectos europeos, (Lug02, Innova-TE e Pacto Provincial polo Emprego) dotados de 17 millóns de euros.
2.-“Priorizando o gasto xusto e útil”, tal e como subliñou Manuel Martínez, o organismo provincial amortizou 10 millóns de euros, reducindo a súa débeda nun 14%. Neste senso, sinalou que as contas da institución lucense se atopan por debaixo do nivel máximo do 75% de endebedamento que marca a Lei de Presupostos do Estado permitindo, se fixese falla, recorrer a novas operacións de crédito.
3.-Na liquidación do Orzamento, obsérvase que a Deputación tamén cumpre co principio de estabilidade orzamentaria ó situar as contas por debaixo do 5,53% dos ingresos non financieros que establece a normativa.
4.- A maiores, a Deputación segue á cabeza das administracións que menos tempo tarda en aboar as facturas ós proveedores, situándose este prazo en 33 días fronte ós 39 da Xunta. A este respecto, Manuel Martínez lembrou que a implantación da factura electrónica grazas ó Innova-TE, permitirá rebaixar aínda máis deste prazo, situándoo en 25 días.
Resultados: devolución ó Estado
O voceiro provincial socialista destacou que froito da boa xestión e como resultado dunhas contas saneadas e equilibradas, a Deputación comezará a devolver ó Estado en xaneiro a cantidade correspondente á liquidación do 2009, un total de 22.263.435 euros. Deste xeito, a partires de dito mes e durante 5 anos, a institución pagará ó Goberno Central 371.057 euros. “Sendo previsibles, non hai que deixar de investir como fan outras administracións, amparándose na obriga de devolver tributos ó Estado tal e como recolle a Lei de Presupostos ratificada por todos os partidos políticos”, sentenciou o Deputado.
Acordos da Xunta
A Xunta de Goberno aprobou as contas xustificativas de 5 obras do Plan de Comunidades Veciñais realizadas nos Concellos de Castro de Rei, Cospeito (2), Friol e Xermade. Están dotadas dun total de 43.000 euros, dos que a Deputación achegou 23.800 euros. As actuacións foron as seguintes: dotación de equipamento na escola, Outeiro (Castro de Rei); pintado e lavado da igrexa, Vilapene (Cospeito); acondicionamento exterior da igrexa, Santa Cristina (Cospeito); rehabilitación manantial e condución de auga, As Laxes (Friol); e adquisición de equipamentos mobiliarios, Momán (Xermade).
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
