Nota de prensa
SANIDADE HABILITA EN LUGO 141 PUNTOS DE ATENCIÓN DENTRO DA CAMPAÑA DE VACINACIÓN ANTIGRIPAL, QUE DA COMEZO O VINDEIRO LUNS
A delegada territorial, Raquel Arias, deu conta das novidades do proceso para este ano e puxo como exemplo da relevancia da mesma o feito de que na última campaña foron 75.000 persoas as que se beneficiaron desta actuación na provincia
Lugo, 29 de xullo de 2011.- A Consellería de Sanidade dará inicio o vindeiro luns, día 3 de outubro, á campaña anual de vacinación fronte a gripe e o pneumococo, que se prolongará ata o 19 de novembro.
A delegada territorial da Xunta, Raquel Arias, presentou esta mañá os pormenores do desenvolvemento da campaña na provincia de Lugo, onde se disporán 141 puntos de vacinación: 83 en centros de saúde e 58 noutro tipo de institucións. Así, explicou, “ademais de centros hospitalarios e consultas médicas, a campaña lévase a cabo en residencias e centros para a terceira idade de titularidade pública ou privada; unidades asistenciais de drogodependencias; centros penitenciarios, e centros de atención a discapacitados”.
Acompañada pola xefa territorial de Sanidade, Purificación Rivas, a delegada territorial fixo fincapé nas principais novidades introducidas, que este ano refírense basicamente a “melloras loxísticas para os profesionais”, de forma que “se estende o rexistro de doses administradas a todo o sistema sanitario público por vía informática, así como a xestión de pedidos das vacinas e material da campaña a través da páxina web do Sergas”.
Igualmente, consolídanse as melloras introducidas o pasado ano: Por un lado, a ampliación do tramo de idade da poboación diana a todas as persoas de 60 anos ou máis –a idade mínima ata entón estaba fixada en 65 anos-; e por outro, na poboación de 75 ou máis anos e nos ingresados en residencias aplicarase unha vacina adxuvada, que ten maior poder inmunóxeno
A Consellería de Sanidade leva a cabo unha importante labor de difusión da campaña para que todas as persoas interesadas teñan acceso ás vacinas. Ao respecto, Raquel Arias destacou os datos de participación alcanzados o pasado ano na provincia, cando se administrou a vacina antigripal a 75.308 persoas e a vacina antipneumocócica a 3.004 usuarios.
En concreto, vacináronse contra a gripe 63.175 persoas de 60 anos ou máis, o que supón unha taxa de cobertura neste colectivo do 53% -no tramo de idade de máis 75 anos a taxa ascendeu ao 64,5%-, e tamén outras 12.133 persoas menores de 60 anos, ben por estar incluídas en grupos de risco ou por circunstancias puntuais.
Por último, no colectivo de traballadores e traballadoras dos centros sanitarios, vacináronse na provincia 1.225 persoas. Cabe subliñar que é obxectivo específico da consellería para este ano o de aumentar a cobertura en traballadores e traballadoras de centros sanitarios.
Ao respecto, Arias incidiu en que “a súa participación resulta de especial importancia para reducir as posibilidades de transmisión da enfermidade ás persoas que coidan ou atenden, ademais de valorar o beneficio individual que achega esta vacina”.
Na presente campaña a Consellería de Sanidade investiu 3,7 millóns de euros; adquiríronse un total de 610.000 doses (580.000 doses de vacinas antigripais e 30.000 doses de vacina antipneumocócica).
Poboación diana
Á marxe dos grupos concretos de idade xa citados, a campaña tamén vai dirixida a todas as persoas pertencentes aos grupos de risco, entre as que se inclúen aquelas con enfermidades crónicas cardiovasculares ou respiratorias, incluíndo asma; persoas institucionalizadas con procesos crónicos; persoas con enfermidades metabólicas crónicas ou inmunodeficiencias; os nenos e adolescentes -de seis meses ata 18 anos- con tratamentos prolongados de ácido acetil salicílico (aspirina); as persoas con obesidade mórbida, e as mulleres embarazadas durante a temporada de gripe.
Integran tamén a poboación diana os grupos con posibilidade de transmitir a gripe a outras persoas de alto risco. Ademais dos traballadores e traballadoras de centros sanitarios e sociais -xa mencionados- figuran os que desenvolven traballos esenciais para a comunidade, como policías e bombeiros, as persoas que pola súa ocupación poden estar en contacto con aves, e os viaxeiros internacionais.
Raquel Arias animou a todas as persoas interesadas a poñerse en contacto co seu centro de vacinación onde lle informarán de cómo e onde solicitar a cita. En todo caso, advertiu, “a campaña ten unha duración de sete semanas, e é preferible que os interesados non acudan masivamente nestes primeiros días para evitar a sobrecarga do sistema asistencial”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
