Nota de prensa
MARIO OUTEIRO E ANTONIO VEIGA REUNÍRONSE COS REPRESENTANTES DE ASOCIACIÓNS XUVENÍS E DA HOSTALERÍA PARA RECUPERAR O SERVIZO DO NOITEBÚS
O obxectivo é fixar as liñas de colaboración que permita restablecer o servizo nos lugares que foi suprimido pola Xunta de Galiza
Lugo, 29 de setembro de 2011. O vicepresidente da Deputación, Antonio Veiga, mailo delegado de Cultura e Turismo, Mario Outeiro, reuníronse esta mañá no pazo de San Marcos con representantes das asociacións xuvenís, dos concellos e da hostalería da provincia, co obxectivo de discutir as liñas de colaboración que se desenvolverán a fin de restablecer o servizo de Noitebús, un servizo que se manifestou efectivo mentres funcionou, e que a día de hoxe exclúe á grande maioría do territorio de Lugo. A Área de Mocidade da Deputación traballa para restablecer estas liñas de transporte nocturno para a xente moza, drasticamente reducido na provincia por parte da Xunta de Galiza, nunha decisión política sen xustificación e, como explicou o vicepresidente “dunha absoluta irresponsabilidade, xa que significa de aumento do risco para a xente moza”.
Antonio Veiga explicou que “nesta reunión que mantivemos, o que se puxo enriba da mesa foi a necesidade de artellar algunha medida para que os rapaces e as rapazas dos diferentes concellos poidan desprazarse na fin de semana ao lugares de diversión coas suficientes garantías de seguridade”. Segundo manifestou o vicepresidente, “unha vez que desapareceu o proxecto do Noitebús da Xunta, hai que determinar medidas que permitan o equilibrio nos territorios: que un rapaz dunha vila pequena teña os mesmos medios para divertirse que un dunha vila grande ou cidade”. O acordo que poida tomarse “beneficiará á hostalería local, ás empresas de transporte, e o que é máis importante, sería un paso decisivo a favor da seguridade dos nosos rapaces e rapazas nas fins de semana”. Aínda que a concreción das liñas é algo que estará determinado por compromiso dos concellos e do sector da hostalería, xa que son os que máis interese teñen neste asunto, o vicepresidente confirmou que “a vontade é prestar liñas que cubran o conxunto das comarcas de Lugo, garantindo o desprazamento dos mozos e mozas aos municipios de cabeceira da súa comarca”.
Actualmente, só hai catro liñas en funcionamento en Lugo: unha que funciona durante todo o ano (Lugo-Rábade-Muimenta), e tres de carácter temporal (A Fonsagrada-Cadavo-Meira-Muimenta), (Taboada-Portomarín-Guntín-Lugo), (Chantada-Taboada-Monterroso-Chantada), ficando excluídas deste servizo comarcas enteiras de Lugo, como a Mariña, Monforte e a Ribeira Sacra. Discrimínanse, deste xeito, do servizo a concellos en función do número de poboación, cando é precisamente nos concellos con menos poboación onde este servizo é máis necesario. A Deputación de Lugo aposta, polo tanto, por poñer de novo en marcha este servizo naqueles territorios onde existía demanda e foi suprimido. Este servizo permite conciliar o dereito ao ocio nocturno coa seguridade do mesmo, téndose demostrado que a súa posta en marcha significou unha diminución clara dos accidentes automobilísticos durante a noite. O vicepresidente fixo fincapé en que a socialización da xente nova é algo que os poderes públicos deben de promover, e non debe permitirse que o lugar de residencia sexa un elemento de desigualdade entre as persoas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
