Nota de prensa
O GOBERNO LOCAL DE CERVO NON ESTÁ DE ACORDO COA CONSTRUCIÓN “DUN CASETO” AO LADO DUN EDIFICIO EMBLEMÁTICO COMO E O MUSEO DO MAR
Esíxenlles aos responsables provinciais que lles informen das súas xestións cos propietarios dos terreos anexos ao museo e lémbranlles que nos últimos sete anos a corporación municipal cervense ten adoptado diferentes acordos plenarios por unanimidade instando á Deputación á compra deste solar para ampliar estas instalacións
Cervo, 3 de novembro de 2011.- O alcalde de Cervo, o popular Alfonso Villares, e malia a concelleira de Cultura, Tania González, compareceron hoxe en rolda de prensa para facer unha valoración da ampliación do Museo Provincial do Mar, dada a coñecer onte polo vicepresidente da Deputación, o nacionalista Antonio Veiga.
Enterarse pola prensa
Segundo Villares e González, “non deixa de ser sintomático” que o equipo de Goberno local se tivera que enterar deste proxecto promovido pola Deputación a través dos medios de comunicación, “sobre todo tendo en conta de que estamos a falar da ampliación dun inmoble cuxa xestión depende da Deputación, pero que é de propiedade municipal” indicou Villares, quen a continuación dixo que “en todo caso, este feito é o menos importante deste asunto”.
Un caseto
Para os responsables locais, a decisión adoptada pola Deputación para esta ampliación é “unha burla” para o conxunto dos cidadáns de Cervo. Lembraron que nos últimos anos a corporación municipal cervense ten adoptado diferentes acordos plenarios por unanimidade nos instaba á Deputación á compra dos terreos anexos ao museo para ampliar as súas instalacións. Ao fío disto, o rexedor recordou que moitos destes acordos municipais foron promovidos e defendidos “vehementemente” polos grupos municipais da oposición.
Silencio onde antes había vehemencia
“Resulta que aqueles mesmos concelleiros que defendían esta adquisición dos terreos anexos para ampliar o museo son os mesmos que agora están á fronte da Deputación… supoño que cando defendían esta opción no pleno era porque realmente pensaban e crían que era a mellor solución para o futuro desta institución; pero agora, o que veñen a plantearnos non é outra cousa máis que construír un caseto ao lado dun edificio emblemático feito a principios do século pasado por indianos para promover a cultura no noso concello como é o Museo do Mar” recalcou Villares.
Para os responsables municipais resulta “imprescindible” que a Deputación explique “con pelos e sinais” a que se debe esta decisión, “porque isto que plantean vai en contra de calquera criterio de defensa do patrimonio”
Máis alternativas
En opinión do rexedor cervense, os responsables provinciais deberían ter barallado outras alternativas temporais para realizar dita ampliación antes que acometer esta construción dun anexo de madeira e cristal na parte traseira do Museo. “A este Concello poderíalle valer calquera outra opción temporal; como por exemplo o soterramento desta estrutura neste terreo, pero non estamos nin moito menos de acordo en que constrúan un caseto ao lado dun edificio tan singular… E sobre todo, hai que deixar meridianemente claro que estaríamos de acordo con esa solución unicamente como medida temporal e ata que se consiga materializar a compra dos terreos contiguos ao museo, tal e como llo vimos solicitando á Deputación a totalidade de forzas políticas municipais dende hai máis de sete anos” recalcou o alcalde.
Carentes de información
Villares tamén botou en falta que a Deputación non informe sobre as xestións feitas cos propietarios dos terreos contiguos necesarios para ampliar o museo. “Sobre todo, o que necesita saber este Concello en todo este asunto é cales son as xestións que se teñen feito cos titulares dese solar; que é o que piden para vender os terreos e, en definitiva, que cantidade de cartos tería que investir a Deputación para materializar esta compra… O que pedimos e esiximos son as cifras das que se está a falar e que nos informen da súa xestión; porque cando teñamos esta información, ao mellor teremos que saír publicamente a lembrarlles aos responsables do Goberno bipartito da Deputación a cantidade de millóns de euros que teñen gastados noutros concellos da provincia -tanto de mais de 5.000 habitantes, como de menos desa cifra- como foi o caso do concello de Becerreá, por exemplo”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
