Nota de prensa
FERNANDO SUÁREZ AGARDA QUE AO LONGO DOS VINDEIROS MESES O CASCO VELLO DE RIBADEO SEXA OBXECTO DUN NOVO REMOZADO. DESDE O 2002 REHABILITÁRONSE 160 VIVENDAS E REALIZÁRONSE 9 OBRAS DE URBANIZACIÓN. O ALCALDE FAI UN BALANCE POSITIVO DO CAMBIO QUE ESTÁ A EXPERIMENTAR TODA ESA ZONA.
Ribadeo, 7 de novembro de 2011. No casco vello de Ribadeo procedéuse á rehabilitación de 160 vivendas desde o ano 2002, data na que se puxo en marcha o ARI. Os datos foron ofrecidos esta mañá polo alcalde, Fernando Suárez, que agarda que nos vindeiros meses se lle poida dar un novo remozado a esa zona da vila.
O rexedor sinalou que “dun tempo a esta parte o certo é que a evolución da mellora e rehabilitación do casco vello de Ribadeo é algo que empeza a dar os seus froitos por dúas razóns. A Área de Rehabilitación Integral de Ribadeo, que xa leva varios anos de funcionamento desde o 2002 e tamén pola política que levamos desde o Concello con todas aquelas propiedades que non se suman a esta proposta da administración pública, Xunta, Ministerio e Concello, de sufragar parte do custe da rehabilitación para poñer en valor estes inmobles que, aínda que teñen propiedade privada, realmente responden a un patrimonio colectivo, de todos, como é o casco vello de Ribadeo”.
Suárez Barcia subliñou que “desde o ano 2002 se viñeron rehabilitando en Ribadeo 160 vivendas no casco vello desde que se puxo en marcha o ARI, cunha aportación entre a Xunta e o Ministerio de máis dun millón de euros, e tamén xunto co Concello realizamos 9 obras de urbanización en todo o casco vello. Xa desde hai tempo tamén temos a Área de Rehabilitación de Rinlo, onde se rehabilitaron vivendas cunha aportación pública duns 62.000 euros e obras de urbanización cunha financiación de 70.000 euros, como a praza de Calvo-Sotelo, na que se traballa estes días”.
O alcalde dixo que “ésta é a parte positiva onde a administración aporta unha parte de diñeiro público para lograr poñer en valor estes conxuntos históricos, pero hai unha actuación que levamos facendo de maneira activa nestes últimos catro anos que é actuar dun xeito máis coercitivo con aqueles propietarios que desoen estas posibilidades e teñen as vivendas caendo, moitas veces abandoadas e sen utilizar. De aí que nestes últimos catro anos se abriran 40 expedentes dos que, a día de hoxe, un 40% deles solventáronse de xeito satisfactorio, é dicir executáronse as obras que nos lles esixíamos de cara a conseguir unha estética axeitada… ou están amañadas ou en fase de pedir licenza de obra. Hai un 20% destes expedentes nos que estamos atopándonos con problemas para localizar aos propietarios ou herdeiros, pero seguiremos insistindo ou adoptaremos as medidas que consideremos oportunas coa lexislación que temos á nosa disposición. E hai outro 40% de expedentes que están seguindo trámites administrativos, que si se resolven ben os propietarios terán que rehabilitar esas vivendas e se non queren acabarán recibindo multas coercitivas, como xa algúns deles recibiron, para que entre todos consigamos un casco vello de Ribadeo atractivo”.
Fernando Suárez endagiu “quero poñer na balanza a parte positiva da rehabilitación de que a maioría, sobre todo os que viven en Ribadeo, se adaptan e rehabilitan as súas vivendas de bó grao, e outra parte un pouco máis dura é que ao Concello non lle queda máis remedio, pero que tamén estamos a ver resultados positivos, e aquí aplicámolo básicamente á xente que non vive en Ribadeo, que é propietaria de inmobles aquí, pero que pouco lle importa a situación na que se atopan esas vivendas. Para esta xente seguimos a aplicar unha política de máis man dura, pero como confirman estes datos estamos na boa liña e confío en que a máis corto que medio prazo ao casco vello de Ribadeo se lle poida dar un novo remozado nestes meses que veñen de aquí en diante”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
