Nota de prensa:
VILLARES: “HOXE A DEPUTACIÓN QUERE ORDENARNOS O TRÁFICO CANDO HAI TRES ANOS DICÍAN QUE ERA COUSA NOSA”
Ao mandatario cervense entristécelle “a pouca ética e moral, e a descarada persecución política” que fan os dirixentes da Deputación, “co seu Presidente á fronte”
Lémbralles que hai dous anos eles mesmos se negaron a adoptar medidas de seguridade viaria nunha via provincial dentro da zona urbana de San Ciprián argumentando que era competencia do Concello e acúsaos de atribuírse arbitrariamente competencias que non lles corresponden
Nega que o Concello modificara a sinalización da totalidade do trazado da rúa Bellavista de San Ciprián -tal e como afirma o presidente do organismo provincial, José Ramón Gómez Besteiro- e mantén que o único que se fixo foi repoñer ao estado orixinal a sinalización desta vía nun treito de aproximadamente 50 metros
Cervo, 9 de novembro de 2011.- O alcalde de Cervo, o popular Alfonso Villares, dixo estar entristecido pola “pouca ética e moral, e pola persecución ao Concello de Cervo” dos responsables da Deputación de Lugo “co seu presidente á fronte”.
Deste xeito, o rexedor cervense respondía ás declaracións feitas polo presidente da Deputación de Lugo, o socialista José Ramón Gómez Besteiro, en relación á restitución da sinalización horizontal feita polo Concello nun treito da rúa Bellavista de San Ciprián. Villares reiterou que neste vial (de titularidade provincial que vai dende Río Cobo ata San Ciprián e de 2.000 metros de lonxitude) o único que fixo o Concello foi “volver á normalidade a sinalización horizontal orixinal nun treito de 50 metros dentro da zona urbana que foran alterados previamente e unilateralmente pola Deputación sen ningún tipo de comunicación ao Concello, única administración con competencias para a ordenación do tráfico en zonas urbanas” recalcou.
Villares mantivo que a modificación na sinalización horizontal deste treito de estrada fora feita pola Deputación tralo reasfaltado da via realizado polo organismo provincial tan so uns días antes das pasadas elección municipais de maio. “Nós, o que fixemos, foi escoitar aos veciños desa zona e volver á normalidade a ordenación do tráfico que existía ata entón nesa zona urbana do núcleo de San Ciprián. Con esta mínima modificación o que se conseguiu foi que os veciños puideran aparcar novamente nunha das marxes deste treito de vial, o cal está máis que demostrado que é vía urbana con documentos oficiais refrendados pola Garda Civil e pola Subdelegación do Goberno” asegurou o alcalde.
Incoherencia e arbitrariedade
O mandatario local reiterou que a competencia en materia de ordenación viaria e de tráfico nos tramos cualificados como vías urbanas é dos Concellos en exclusiva e acusou aos responsables provinciais de atribuírse arbitrariamente “e de xeito incoherente” competencias que non lles corresponden “según mellor lles veña”.
Neste sentido lembrou que hai tres anos o Concello se dirixira á Deputación solicitándolle que colocaran un paso elevado para peóns fronte ao Centro de Saúde de San Ciprián, nun treito de vía urbana do vial provincial que une San Ciprián con Burela pola costa. “Daquela -dixo Villares- o señor Manuel Martínez contestounos por escrito que a Deputación non ía poñer ningún paso elevado nin banda rugosa porque a ordenación do tráfico en zonas urbanas era competencia municipal. Por iso -proseguiu- non deixa de ser curioso que aqueles que agora interpoñen un expediente sancionador contra nós e afirman nos medios de comunicación que son os únicos con competencias neste vial, sexan os mesmos que no ano 2008 dicían o contrario por escrito e con membrete oficial”. salientou Villares.
Máis libros de ética
Por último, o alcalde recomendoulles aos responsables políticos da Deputación que se adicaran “a ler máis libros de moral e ética”. “É algo que lles pode vir ben para reflexionar e para darse de conta de cal é a función que temos os políticos na sociedade, que non é outra que a de acometer xuntos grandes empresas en beneficio dos cidadáns… A iso é ao que nos temos que dedicar, porque o que non se pode entender é que a Deputación, en lugar de axudar e colaborar cun concello da súa provincia como é Cervo, o único que fai é incoarlle expedientes sancionadores. Algo que resulta curiosamente chamativo sobre todo cando resulta que estes dous expedientes son os únicos que ten aberto na súa historia a Deputación de Lugo contra un concello da súa provincia”. Villares abogou por unha pronta solución “e que todos estes expedientes se pechen e esquezamos para sempre este tipo de procederes nada normais para a totalidade dos cidadáns”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
