Nota de prensa
A deputada Emma Álvarez lamenta que os nacionalistas rexeiten a proposta do PP, con medidas máis realistas para que a Xunta tramite o expediente de acordo coa legalidade e a normativa vixente
O GRUPO POPULAR ACUSA AO BNG DE PRESENTAR UNHA PROPOSTA “TOTALMENTE ILÓXICA E PRETENDER QUE A XUNTA INCUMPRA A LEI” RESPECTO AO ERE DA EMPRESA MUEBLES HERMIDA
A emenda do Grupo Popular incorporaba, ademais, a solicitude para que os traballadores afectados polo ERE, no suposto de que finalmente se aprobe, poidan acceder ás distintas políticas activas de emprego para facilitar a súa reincorporación ao mercado laboral
“Non parece lícito que se aproveite este feito dramático e doloroso para moitas familias para facer demagoxia e aproveitar a debilidade na que se atopan para enganalos e manipulalos, co un único fin: a loita partidista e as cotas de poder”, criticou
Santiago, 14 de decembro de 2011.- A deputada do Grupo Popular Emma Álvarez Chao lamentou hoxe que o BNG presente unha proposición respecto ao ERE prantexado pola empresa Muebles Hermida de Lourenzá “totalmente ilóxica e instando á Xunta a que incumpra a lei e rexeite a proposta do Partido Popular con medidas máis realistas para que a Xunta tramite o expediente de regulación de emprego estritamente de acordo coa legalidade e aplicando rigorosamente a normativa vixente”.
A emenda do Grupo Popular incorporaba, ademais, a solicitude para que os traballadores afectados polo ERE de Muebles Hermida, no suposto de que finalmente se aprobe, poidan acceder ás distintas políticas activas de emprego para facilitar a súa reincorporación ao mercado laboral e a posta en marcha de medidas encamiñadas á recuperación produtiva e á creación de novas oportunidades laborais na comarca da Mariña.
Emma Álvarez rexeitou a proposición non de lei presentada polo BNG porque “é totalmente ilóxica e non podemos instar á Xunta a que incumpra a lei”. “A Xunta de Galicia, e concretamente a Consellería de Traballo, como autoridade laboral ten a obriga de tramitar todos os expedientes de regulación desde o rigor e acorde coa lexislación, comprobando se existen as causas que orixinan o expediente”, explicou.
Así mesmo, nun intento de consensuar unha posición común entre todos os grupos políticos, atendendo a demanda dos traballadores afectados, a deputada popular propuxo votar por separado os distintos puntos da proposición presentada polo BNG, cuestión que os nacionalistas rexeitaron “máis interesados no posicionamento do PP respecto á súa consigna ERE NON que na busca de medidas encamiñadas a paliar a situación que vive a Mariña lucense”.
Neste sentido, criticou a demagoxia utilizada polos grupos da oposición e recordou que durante o Goberno bipartito se aprobaron máis de 1.500 expedientes de regulación de emprego, que afectaron a máis de 22.000 traballadores galegos que perderon o seu posto de traballo. Así mesmo, indicou que, “antes de resolver o ERE a Consellería, é necesario un informe preceptivo da Inspección de Traballo e Seguridade Social, paso no que se atopa neste momento o ERE presentado pola empresa Muebles Hermida.
MANTEMENTO DOS POSTOS DE TRABALLO
Emma Álvarez sinalou que “presentar un expediente de regulación de emprego, na maior parte dos casos, é a única fórmula que queda para garantir a continuidade dunha empresa e o mantemento dunha parte dos postos de traballo que xera, pero non é unha medida agradable para ningún empresario e, moito menos, para os traballadores afectados”.
“O que doe é a atitude partidista que están tomando algúns políticos xa desde o momento en que a empresa anunciou a presentación do ERE no mes de outubro”, sinalou a deputada popular, que engadiu que “non parece lícito que se aproveite este feito dramático e doloroso para moitas familias para facer demagoxia e aproveitar a debilidade na que se atopan para enganalos e manipulalos, co un único fin: a loita partidista e as cotas de poder”.
Neste sentido, criticou ao BNG porque “para vostedes prevalece o ERE NON diante do mantemento dos postos de traballo que se garantan coa continuidade da empresa”, a pesar de que “desde que se coñeceu a posibilidade da presentación do ERE ninguén, incluídos os traballadores, cuestionou a posibilidade de que se plantexara”.
MINIMIZAR O IMPACTO DO ERE
A deputada do Grupo Popular explicou que os criterios económicos que levaron a Muebles Hermida a presentar este ERE o pasado 3 de novembro “veñen marcados pola actual crise económica, crise económica na que afondou o noso país en gran medida a consecuencia das nefastas políticas levadas adiante polos socialistas en Madrid, co apoio do BNG”.
“En todo o proceso de negociación, o que se pretendeu foi minimizar o impacto do ERE, polo que as propostas que fixeron os representantes dos traballadores foron sempre encamiñadas a acadar medidas que minimizaran os efectos do mesmo”, manifestou Álvarez Chao. Neste sentido, recordou a mediación da Consellería de Traballo entre os responsables da empresa e os traballadores, que permitiu o pasado día 19 de novembro chegar a un preacordo, ratificado por 133 traballadores, que finalmente non se asinou a pesar da comunicación á prensa por parte do propio Comité de Empresa.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
