Nota de prensa 1/2
O profesorado do IES de Foz concentrouse hoxe, 15 de decembro, ás 11.30 diante do instituto na defensa do ensino público.
Esta concentración está convocada por todas as organizacións sindicais, que valoran a importancia de continuar coas mobilizacións.
O persoal docente esixe a retirada da orde de 23 de xuño de 2011 pola que se modificaron os nosos horarios e se nos impuxeron novas funcións, como a vixilancia do alumnado transportado, sen negociación e acompañando esta imposición de toda clase de ataques ás e aos docentes. A imposición desta orde tivo como consecuencia que se iniciara o curso con máis de 1000 docentes menos. Esta situación impede a realización de diversas funcións importantes a nivel pedagóxico nos centros, conleva o deterioro da atención á diversidade e a obriga a realizar novas funcións. Estes recortes previsibelmente se verán incrementados cos orzamentos de 2012, recortes que afectan sempre ao ensino público.
Tamén se concentraron o profesorado do IES Illa de Sarón de Xove.
Profesorado do IES Porta da Auga de Ribadeo na concentración en defensa do ensino público
Nota de prensa 2/2
A CIG CUALIFICA DE ÉXITO AS MOBILIZACIÓNS DO PROFESORADO NA MARIÑA EN DEFENSA DO ENSINO PÚBLICO
Segundo a CIG, máis do 75% dos centros houbo concentracións no recreo
Ribadeo, 15 de decembro de 2011.- A CIG-Ensino cualifica de éxito as concentracións do día de hoxe nos centros escolares da Mariña. A maioría dos centros de ensino de primaria e secundaria da Mariña secundaron a mobilización convocada hoxe por todos os sindicatos en defensa do ensino público e contra os recortes en educación que o PP está levando a cabo desde a Xunta de Galiza. A mobilización consistía nunha nova concentración nos centros por parte do profesorado, na que participaron tamén pais e nais de alumnos/as, con pancartas alusivas á defensa do ensino público.
Segundo a CIG, sobre o 75% dos centros públicos fixeron as concentracións na que participaron máis do 60% do profesorado de media –nalgúns casos, o 100%- aínda que participarían moitos máis se non tiveran que facer as labores propias de coidado e gardas do alumnado. “Non imos a permitir que se siga deteriorando o ensino público desta maneira. O profesorado da Mariña xa dixo non a estas políticas de recortes continuos en referendo cun 80% do profesorado en contra” asegura Dores Fernández Abel. É impresentable que a Consellaría –como administración pública- estea a manter unha auténtica cruzada conta o ensino público desprestixiándoo e atacándoo continuamente. Como últimos ataques están a eliminación de preescolar na casa, a non cobertura ao día de hoxe de máis de 140 baixas de profesorado, a eliminación de 60 prazas de orientación ou o recorte de máis de 12 millóns de euros nos orzamentos do 2012 en educación mentres aumenta ata o 13% as subvencións á privada no ensino obrigatorio.
Par a CIG, estas mobilizacións tamén pretenden que a Consellaría tome nota de que o profesorado da Mariña non está disposto a seguir soportando as continuas descualificacións e insultos por parte de cargos desa Consellaría a unha labor docente exemplar que os mestres fan cando moita desa labor a fan voluntaria e desinteresadamente. A última actitude ditatorial do conselleiro foi onte, cando se negou a recibir á representación sindical que se presentou diante do seu despacho.
Así mesmo, a CIG fai un chamamento aos pais e nais dos alumnos/as para que entendan que todas estas mobilizacións son en defensa da calidade do ensino que reciben os seus fillos e fillas e pídeselles que sigan apoiando ao profesorado nesta loita conxunta, como así o están demostrando.
Tamén dicir que na maioría dos centros mariñáns xa teñen colgadas as pancartas a prol da aposta polo ensino público e de que as políticas de austeridade non poden pasar por recortes de profesorado e de orzamentos que prexudican a calidade do ensino público.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
