De cintos; impostos; malas maneiras; maiorías absolutas e galos
Coidado con confundir as maiorías absolutas co absolutismo das maiorías, coidado con esquecer que en democracia tan importante é o fondo como as formas, coidado con ignorar que democracia tamén é o respecto ás minorías, non vaia a ser que o monocolor termine sendo «tiranía con modais.
A lexislatura apenas iniciou a súa andaina e baixo a desculpa do mala que está a cousa a nova e suficiente maioría gobernante apurouse a adoptar decisións que, á marxe de que sirvan ou non, o tempo dirá, para corrixir o déficit e gañar a confianza dos mercados, valeron, sobre todo, para desterrar o estigma que durante toda a súa carreira pesou sobre o seu presidente, que non era outro que o de home dubitativo e previsible. Nun par de semanas Mariano Rajoy puxo en marcha o maior axuste orzamentario da etapa democrática. Outra cousa é que este se fixo incumprindo promesas electorais. Pero esa e outra historia.
E coidado tamén co presidencialismo. Ese que se parapeta en que as duras e desagradables decisións, como a subida de impostos, entre outras, eran imprescindibles ao coñecer, hai apenas dúas semanas, a dolorosa situación das arcas do Estado. Como se tamaño e aguerrido plan de axuste puidese bosquexarse nun fin de semana! Non todos somos parvos, señores do PP.
Incremento do IRPF aprobado, por certo, vía decreto, evitando o debate. Así non, porque pode concluírse que o que se pretende é evitalo. Por iso tampouco é de recibo a inflexibilidade na interpretación do regulamento do Congreso que vai camiño de condenar ao silencio aos grupos minoritarios, entre eles o BNG, lexítimos representantes de centos de miles de cidadáns, agrupados nun grupo mixto condenado á inoperancia, ao non ter algún dos seus representantes un chisco de tempo para facer ouvir a súa voz.
Por non falar dese intento de recentralización ás bravas da España das autonomías, vía control dos orzamentos autonómicos antes de ser sometidos aos seus parlamentos, cerceando así a autonomía financeira, e xa se sabe que sen esta non hai autonomía política; ou ese inoportuno xesto de reunirse primeiro cos conselleiros das comunidades do PP para máis tarde facelo co resto, dando un rumbo partidista, innecesario á acción do Goberno de España. Así non.
En todo caso, non esquezan aquelo de «O humor mantennos cordos. Cando paras de rir estás morto», por iso, para sentar as nais e recompor os ánimos atrévome a proporlles unha receita de galo fantástico para os días de abatemento: Coller un galo fresco de 3 Kg; encher con variedade de verduras sazonadas con allo, sal e romeu; cubrir a fonte en que se forneará con papel aluminio e prequentar o forno a 350 graos; bañar o pito con: 1 cunca de ron, 1 cunca de brandy, 1 cunca de coñac, 1 cunca de whisky, 1 cunca de vodka, 1 cunca de tequila, 1 cunca de champagne, 1 cunca de viño tinto, 1 cunca de viño branco, 1 cunca de cervexa clara, 1 cunca de cervexa escura; cubrilo moi ben co papel aluminio groso; fornear o pito a 325 graos por 1 hr; sácase o pito do forno; déixase arrefriar por 5 minutos; tírase o pito a o carallo e tómase o caldito. Entendeume Señor Rajoy, pois a o loro.
Otero Regal
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
