Nota de prensa
A Deputación aforrou ó Concello de Cervo 66.000 euros coas obras municipais do Plan de Comunidades Veciñais para 2011
– A Vicepresidenta Segunda, Lara Méndez, supervisou as actuacións que vén de finalizar o organismo provincial no municipio mariñano
– Son 6 obras demandas polos veciños, dotadas de 88.200 euros, para as que a institución achegou o máximo permitido segundo as bases desta iniciativa: o 75%
A Vicepresidenta Segunda, Lara Méndez, supervisou as actuacións do Plan de Comunidades Veciñas para 2011 que vén de finalizar a Deputación en Cervo. Trátanse de 6 obras dotadas de 88.200 euros, dos que o organismo provincial achegou 66.000 euros. Esta cantidade supón o 75% do total, que é a porcentaxe máxima que a institución luguesa pode outorgar ós colectivos beneficiados destas subvencións, tal e como recollen as bases que rexen deste proxecto. O orzamento restante foi asumido polas asociacións veciñais.
Lara Méndez salientou que “esta iniciativa cumpre a prioridade máxima na acción política deste Goberno provincial: a máxima cooperación e asistencia ós Concellos. Mediante este Plan, executamos pequenas obras de caracter municipal que, malia a demanda dos veciños, o Concello é incapaz de levar a cabo. Por este motivo, dende a Deputación asumimos a maior parte dos custes, aforrando cartos ó municipio cervense e priorizando a dotación de servizos esenciais ós cidadáns”.
As actuacións levadas a cabo foron as seguintes: pavimentación dos accesos ó campo de fútbol e ampliación das gradas; instalación de varandas protectoras nas beirarrúas da avenidas Galicia e da rúa da Igrexa; acondicionamento do camiño do monte veciñal da Costa; asfaltado do acceso ó cemiterio; reemisor TDT en Figuierido; e reparación dos servizos no Centro de Iniciativas Turísticas.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
