Nota de prensa:
Máis de 22.300 persoas beneficiáronse en 2011 dos servizos de orientación promovidos pola Xunta na provincia de Lugo
-A directora xeral de Formación e Colocación, Ana María Díaz López, e a delegada territorial da Xunta en Lugo, Raquel Arias, presentaron hoxe as novidades destas axudas para 2012.
-A orde de accións de información, orientación e busca de emprego conta cun financiamento de 7,4 millóns de euros para toda Galicia e permitirá habilitar a máis de 240 técnicos.
-Díaz López destacou que a convocatoria de axudas fomenta este ano a figura das mancomunidades ou outras agrupacións de municipios, xa que no reparto das subvencións se garantirá a existencia dun mínimo de persoas desempregadas para que os servizos de orientación se presten alí onde máis se precise.
-Explicou que a iniciativa é unha medida activa de emprego dirixida á mellora da capacidade de inserción laboral das persoas desempregadas a través da información e a orientación profesional personalizada.
Lugo, 24 de xaneiro de 2012.- A Consellería de Traballo e Benestar investirá en toda Galicia un total de 7,4 millóns de euros para a concesión de axudas e subvencións para a realización de actividades de información, orientación e busca do emprego (accións IOBE). Esta orde, que xa saíu publicada este mes no Diario Oficial de Galicia (DOG), financiará accións por período máximo dun ano: desde o 1 de febreiro de 2012 ata xaneiro de 2013.
Grazas a este investimento, as entidades beneficiarias destas axudas poderán chegar a habilitar en toda Galicia a uns 240 técnicos de orientación, que se encargarán de prestar asesoramento e información aos desempregados.
Así o explicou hoxe en Lugo a directora xeral de Formación e Colocación, Ana María Díaz López, quen expuxo as novidades desta convocatoria de axudas, unha iniciativa que permitiu o ano pasado na provincia lucense contratar a 50 orientadores profesionais. Os servizos de orientación beneficiaron aproximadamente a máis de 22.300 persoas en toda a provincia de Lugo, concretou a directora xeral, quen estivo no acto acompañada pola delegada territorial da Xunta en Lugo, Raquel Arias.
Na cidade lucense, os orientadores laborais ao longo de 2011 foron un total de 22 e os beneficiarios do servizo preto de 11.000 persoas.
Estas axudas diríxense ás entidades como concellos, universidades ou organizacións sen ánimo de lucro que desenvolvan labores de información, orientación e busca de emprego mediante itinerarios personalizados de inserción ocupacional para mellorar as posibilidades de incorporación ao mercado laboral dos demandantes do Servizo Público de Emprego.
A responsable da área autonómica apuntou, con respecto ás entidades locais, que este ano, como novidade, introduciuse para o reparto destas axudas un criterio de redistribución xeográfica, co obxectivo de que os servizos de orientación se presten nas entidades locais que o precisan polo seu nivel de paro rexistrado para evitar que os demandantes teñan que desprazarse moitos quilómetros, apuntou. Por iso, sinalou que se está a esixir que as entidades garantan a existencia dun mínimo de persoas desempregadas do seu territorio, un total de 500, ou que se presenten baixo a figura das mancomunidades ou outras agrupacións de municipios. Neste senso, Díaz López incidiu na necesidade de potenciar que os concellos mancomunen servizos.
Outra das novidades que se incluíron na convocatoria de subvencións de 2012 é a ampliación da definición das accións de información, orientación e busca de emprego a ámbitos como a prospección de empresa e asesoramento en procesos de recoñecemento da experiencia, na liña do que marca o Espazo Económico Europeo (EEE).
A última das novidades refírese á introdución dun criterio de control e penalización na realización das accións subvencionadas.
O labor dos orientadores
Os técnicos que se contraten a través destas axudas, que xa se poden solicitar, encargaranse, entre outras funcións, de elaborar diagnoses individualizadas sobre o perfil e necesidades dos desempregados; proporcionar información sobre o mercado de traballo e os distintos incentivos; deseñar itinerarios individuais e personalizados de emprego; contactar con empresas para difundir as súas iniciativas e realizar unha prospección das necesidades das empresas; ou informar sobre a oferta de accións de formación profesional ou o proceso de recoñecemento das competencias adquiridas.
A través desta orde subvenciónanse os custos de persoal das entidades colaboradoras externas que acheguen os recursos humanos, técnicos e materiais necesarios para levar a cabo as devanditas actuacións.
Co financiamento destas accións en materia de orientación, a Consellería busca facilitar a inserción e reincorporación laboral dos desempregados, ademais de favorecer a súa mobilidade profesional no mercado de traballo e dar apoio para que os destinatarios tomen as decisións máis axeitadas respecto das súas necesidades formativas, segundo apuntou Díaz López. De feito, precisou que é unha das medidas incluídas nas políticas activas de emprego deste departamento.
Tamén explicou que se procura mellorar a empregabilidade dos traballadores e desenvolver o espírito emprendedor e as iniciativas de autoemprego. Traballo e Benestar pretende potenciar, ademais, unha participación activa no procedemento de acreditación das competencias profesionais adquiridas pola experiencia laboral, afirmou.
En definitiva, a directora xeral de Formación e Colocación indicou que se trata dunha medida activa de emprego dirixida á mellora da capacidade de inserción laboral das persoas desempregadas a través da información e a orientación profesional personalizada, no marco das directrices de emprego da Unión Europea e os plans nacionais de acción para o emprego.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
