RIBADEO (FNC) .- Mondoñedo e Ribadeo acollerán a partires da vindeira semana o congreso O Camiño de Santiago para o século XXI. O Camiño do Norte. No evento vanse intercambiar puntos de vista, ideas e proxectos relacionados co presente e co futuro desta ruta xacobea, unha das que proporcionalmente máis medrou nos últimos anos. No congreso que organiza a Consellería de Innovación e Industria participarán especialistas, amigos do Camiño e representantes de distintas administracións. A inscrición é gratuíta e os interesados que deben apuntarse antes do 18 de febreiro poden facelo na seguinte dirección de correo electrónico: promoción.cultural@xacobeo.org
O 19 de febreiro celébrase a primeira sesión en Mondoñedo. Denomínase O Camiño para o peregrino, dará comezo coa conferencia inaugural ás 11:45 horas e rematará cun concerto na Catedral ás 20:00 horas.
O 20 de febreiro están prevista a segunda e a terceira sesións deste congreso en Ribadeo que versarán sobre O patrimonio cultural e ambiental e O Turismo. Xa o sábado 21 de febreiro en Ribadeo presentaranse un informe sobre o estado do Camiño do Sueste en Galicia e unha película de animación para escolares sobre o Camiño do Norte e ademais haberá unha mesa redonda sobre O Códice Calixtino en galego. O galego do Códice Calixtino.
O congreso rematará o 4 de marzo cunha visita de estudo ao Camiño do Norte. Os participantes sairán en barco desde o peirao de Ribadeo, cara a Figueras (Castropol) dirixiranse a Vegadeo-Abres-Trabada e visitarán despois as igrexas da Ponte (Arante) e de Vilanova de Lourenzá, a Catedral de Mondoñedo e a Basílica-Catedral de San Martiño de Mondoñedo (Foz).
Exposición
Como actividade paralela desenvolverase unha exposición fotográfica O Camiño do Norte. Desde Saint Jean de Luz a Santiago, que se poderá ver no Parque San Francisco de Ribadeo desde o 20 de febreiro ata o 22 de marzo.
O congreso O Camiño de Santiago para o século XXI. O Camiño do Norte conta cun crédito de libre elección ao que poden acceder todos os alumnos da Universidade de Santiago de Compostela. Os interesados poden obter máis datos na páxina www.xacobeo.org
O evento está organizado pola Consellería de Innovación e Industria a través da Dirección Xeral de Turismo e a S.A de Xestión do Plan Xacobeo e colaboran a Universidade de Santiago, os Concellos de Mondoñedo e Ribadeo e o Centro de Desenvolvemento Comarcal da Mariña Central.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
