Nota de prensa
O PLENO PARA A APROBACIÓN INICIAL DO PXOM BURELÉS SERÁ O VINDEIRO 1 DE MARZO. GONZÁLEZ AFIRMA QUE “BURELA PRECISA DESTE DOCUMENTO CANTO ANTES”. O ALCALDE AGARDA QUE “A OPOSICIÓN SEXA COHERENTE E QUE OS VECIÑOS FAGAN APORTACIÓNS POSITIVAS”.
Burela, 22 de febreiro de 2012. O pleno para a aprobación inicial do PXOM burelés será o vindeiro 1 de marzo. O alcalde, o popular José María González Barcia, compareceu hoxe en rolda de prensa no Concello acompañado de boa parte do seu equipo de goberno para anunciar o calendario e o procedemento para a aprobación do Plano Xeral de Ordenación Municipal (PXOM) da localidade. González Barcia dixo que “Burela precisa desta documento canto antes” e agarda que “a oposición sexa coherente”.
Así, o alcalde indicou que o calendario será o seguinte, “mañá, xoves, serán convocadas as comisións informativas de seguemento do PXOM e de asuntos de pleno, que se celebrarán o vindeiro luns, día 27 de febreiro. O mesmo luns, inmediatamente despois de térense celebrado as indicadas comisións, será convocado o pleno extraordinario para a aprobación inicial do PXOM, sesión que se celebrará o vindeiro xoves, día un de marzo”.
Barcia explicou que “a partires de aí, hai que publicar o acordo de aprobación inicial en anuncios na prensa, no Boletín Oficial da Provincia e Diario Oficial de Galicia (DOG). Despois da publicación no DOG, haberá un prazo de exposición pública de dous meses, prazo durante o cal os veciños de Burela poderán consultar o documento nun local que se habilitará ao efecto, e que previsiblemente estaría ubicado na praza de abastos, na pranta de Capitanía, nos locais antes ocupados pola ADL”.
A este respecto, o rexedor anunciou a súa intención de celebrar unha exposición pública aberta a toda a cidadanía, exposición que correría a cargo dos técnicos do equipo redactor do proxecto. A data está sen concretar, pero baráxase a posibilidade que se faga na Casa da Cultura. Durante eses dous meses, ademais de consultar o documento, aqueles veciños que o desexen poderán presentar as alegacións pertinentes, “alegacións que terán que ser atendidas e contestadas todas e cada unha delas”.
O alcalde de Burela sinalou que “posteriormente, o pleno do Concello volverá a reunirse para aprobar provisionalmente, se procede, o documento do PXOM, coas alegacións que se acepten debidamente incorporadas. A continuación, o PXOM será remitido desde o Concello ás distintas administracións competentes para a emisión dos informes que procedan (Xunta de Galicia, Goberno do Estado, Deputación Provincial, etc.)”.
José María González Barcia non quixo marcar prazos para a aprobación provisional e para a aprobación definitiva do PXOM, ainda que afirmou que “a aprobación provisional pode producirse durante o verán. En todo caso farase tan rápido como se poida”.
O rexedor afirmou que “porque Burela precisa deste documento canto antes, o pleno do día un de marzo é, sen dúbida, un dos máis importantes que se teña celebrado no noso Concello, porque nel aprobaremos, se procede, un documento que vai marcar o futuro do noso concello nos próximos anos”.
Barcia manifestou que “este alcalde, este equipo de goberno, cumplen o que din. No seu día manifestamos que o PXOM debería estar aprobado inicialmente no primeiro trimestre do presente ano, e ímolo cumplir. Hai que destacar que houbo que traballar dabondo nestes últimos oito meses para madurar o PXOM e atender aos informes emitidos polo Ministerio de Fomento e pola Xunta de Galicia. Se o informe da Xunta podemos calificalo como ‘asumible’, o de Fomento emitido hai catorce meses non deixaba ningunha dúbida sobre o que había que facer, e así o entendimos. Por eso, estou seguro que é millor ter un plan, ainda que pode que mellorable, que non ter nada”.
Por outra banda, González Barcia asegurou que “as aportacións dos veciños poden ser moi valiosas para enriquecer o documento que imos aprobar inicialmente, e estou seguro que en boa medida así será. Os veciños terán toda a información que queiran sobre o PXOM durante eses dous meses entre as nove da mañán e as dúas da tarde, de luns a venres”.
Finalmente, o alcalde dixo estar convencido de que “os grupos da oposición van ser coherentes e van optar por unha posición constructiva, outro posicionamento non sería entendible”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
