Nota de prensa
A XUNTA destaca os parques comarcais de bombeiros como exemplo de prestación conxunta de servizos
A delegada territorial da Xunta en Lugo, Raquel Arias, e o director xeral de Emerxencias e Interior, Santiago Villanueva, supervisaron hoxe á actuación realizada polos membros do parque de Viveiro durante o simulacro de incendio que levaron a cabo no CEIP de Covas
Arias salientou a importancia da colaboración entre administracións para ofrecer aos cidadáns mellores servizos de xeito máis eficiente e puxo como exemplo o traballo desenvolto desta dotación, que leva realizado 59 actuacións nos últimos meses
Viveiro, 29 de febreiro de 2012.- A delegada territorial da Xunta en Lugo, Raquel Arias, e o director xeral de Emerxencias e Interior, Santiago Villanueva, supervisaron hoxe a actuación realizada polos membros do parque comarcal de Viveiro no simulacro de incendio que levaron a cabo no CEIP de Covas, dentro do propio municipio vivariense, e no que participaron activamente os preto de 200 alumnos e os mestres do centro.
Arias, que felicitou aos traballadores do parque de Viveiro polo seu traballo ao longo do preto dun ano de funcionamento da instalación, significou que esta dotación realizou dende a súa apertura 59 actuacións de diversa índole, 8 delas, durante os dous meses transcorridos deste 2012. O parque comarcal con base en Viveiro da servizo aos cinco concellos máis occidentais da costa de Lugo (O Vicedo, Xove, Ourol, Cervo e Viveiro) e atende directamente a unha poboación de arredor de 30.000 habitantes nun radio de case 500 quilómetros cadrados.
A delegada territorial citou precisamente o funcionamento destes parques comarcais de bombeiros como un bo exemplo de cooperación entre Administracións. “A labor contra incendios e de salvamento que prestan os consorcios comarcais representan un referente na prestación conxunta de servizos, ofrecendo a mellor resposta aos cidadáns con maior eficacia e eficiencia”, expuxo Arias, que agregou que é “unha prestación conxunta de servizos que a Xunta pretende estender a outros ámbitos e que fomentará a través das súas convocatorias de axudas e subvencións”.
Arias lembrou que a Xunta estendeu este modelo de xestión dos parques comarcais por todo Galicia, “para que todos os cidadáns poidan gozar hoxe en día do magnífico funcionamento da rede de parques comarcais”, que xa chega aos 25 na nosa Comunidade. Ademais, destacou o exemplo de lealdade institucional que representan estes parques, nos que existe unha frutífera e produtiva colaboración entre a Xunta, as deputacións e os concellos implicados.
A delegada territorial estivo acompañada durante a súa visita, ademais do director xeral de Emerxencias e Interior, polo presidente da Deputación lucense, José Ramón Gómez Besteiro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
