Nota de prensa:
MANUEL PARGA ACUSA DE “IRRESPONSÁBEL” AO PP POR NEGARSE A RECLAMAR A TRANSFERENCIA DO PORTO DE SAN CIBRAO A GALIZA
O deputado lamenta que o día no que se volven coñecer os dados do paro, que tan prexudiciais son na comarca, o PP renuncia a que os beneficios do porto, entre 2 e 3 millóns de euros, poidan reverter na comarca
Santiago de Compostela, 2 Marzo 2012.- O deputado do G.P do BNG Manuel Parga cualificou hoxe de “irresponsábel” e “inxustificábel” o voto en contra do Partido Popular a unha iniciativa parlamentar que reclamaba a transferencia a Galiza do porto de San Cibrao.
Manuel Parga advertiu que esta decisión vai ter consecuencias moi negativas na Mariña, é outra “puñalada” a unha comarca que está a padecer especialmente as consecuencias da crise e dos alarmantes dados do paro, que máis unha vez se incrementan de forma preocupante, con continuo peche de empresas, EREs, etc.
“O grande defensor da Mariña, o señor Balseiro –ironizou- fica de novo en evidencia, ao non darlle permiso o seu partido a reclamar algo tan necesario e lóxico para a comarca”.
No debate parlamentar de hoxe, engadiu o deputado nacionalista, volveu pórse de manifesto a campaña do PP de actuar de sucursal do goberno do Estado e non lle esixir nada que priorice os intereses de Galiza e da Mariña, neste caso, aos do Estado.
Neste sentido, lembrou que o porto de San Cibrao xera uns beneficios de entre dous e tres millóns de euros que, de ser transferido a Galiza, poderían reverter na comarca.
Parga lamentou que a actitude belixerante e reivindicativa do PP cando era oposición agora que goberna, tanto na Xunta como no Estado, quedara en nada e reiterou que esta actitude vai ter custes para a Mariña.
O deputado nacionalista defendeu unha emenda á iniciativa rexeitada polo PP e que foi debatida a iniciativa dos socialistas, apostando pola modificación do Consello de Administración da Autoridade Portuaria Ferrol-San Cibrao, a fin de aumentar a presenza luguesa no mesmo mentres non se cree a autoridade portuaria propia.
Asemade, o parlamentar consideraba necesario emprender accións para abrir ao tráfico comercial o dique norte do porto de San Cibrao.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
