Nota de prensa
O PP mindoniense recorda que a Ordenanza Reguladora da Inspección Técnica de Edificios está en fase de alegacións
O PP local presentara alegacións á proposta do goberno local e pedirá que o custo das inspeccións sexa a cargo do Concello
O Grupo Popular tamén lle solicitará á administración local que elabore un Padrón de Edificios suxeitos a inspección para facilitar así o cumprimento do deber de conservación
Sen desvirtuar o deber de conservación, Candia critica que o bipartito castigue aos mindonienses durante un contexto de crise económica
Mondoñedo, 14 de marzo do 2012.- O Partido Popular de Mondoñedo recorda que a Ordenanza Reguladora da Inspeccións Técnica de Edificios, cuxa aprobación inicial aparece recollida no BOP do 16 de febreiro, continúa en prazo de alegacións. Tendo en conta isto, o Grupo Popular presentará ante o goberno local un prego de alegacións co que prevé mellorar os artigos regulados na sentenza e intentar así que se castigue o mínimo posible as economías dos mindonienses. Algo, que segundo explica a portavoz local, Elena Candia, “parece non importarlle ao bipartito, que se esqueceu ata agora do deber de conservación”.
Sen desvirtuar o deber de conservación que o Grupo Popular defende e sendo conscientes ademais da importancia de darlle un impulso pola necesidade de protexer e garantir a seguridade dos mindonienses, a portavoz Elena Candia fai fincapé na necesidade de pensar na situación económica pola que está a pasar a localidade e pide que esta regulación non sexa gravosa para os veciños. Ante esta situación, o PP local pídelle ao goberno local que o custo derivado da obtención do informe sexa sufragado ou ben polo Concello ou ben sexan os servizos técnicos do órgano municipal os que se encarguen da inspección das edificacións.
O PP local leva a cabo esta proposta xa que segundo explica a portavoz local, “é absolutamente desaxeitado plantexar este tipo de iniciativas neste momento”. Candia fai estas declaracións tendo en conta que o bipartito “ata agora nunca se preocupara polo deber de conservación”, explica a portavoz local, “e é agora cando pretenden levar a cabo estas iniciativas gravosas para os veciños, nun contexto de dificultades económicas”.
Así mesmo, para dotar ao municipio dos instrumentos precisos para cumprir coa obriga de velar pola correcta conservación de edificación, Candia solicita a inclusión dun novo artigo na ordenanza no que se require a elaboración dun Padrón de Edificios suxeitos a inspección. Este Padrón, que facilitará o desenvolvemento do traballo, deberá contar con data de remate, poderase pór en exposición pública durante un prazo non superior aos 30 días, e notificarase ademais tanto po correo certificado aos afectados, como nos boletíns oficiais e xornais de maior difusión.
A portavoz local tamén pide unha maior concreción no caso de existir un informe desfavorable trala inspección fixando un prazo para a execución das melloras. Neste apartado, o PP local solicita a inclusión dun novo artigo que ampare aos veciños e no que, no caso de considerar que as obras exceden do límite do deber de conservación do Concello, o dono do inmoble pode solicitar subvencións ou optar pola declaración de estado ruinoso do edificio.
O Partido Popular intentará consensuar estas propostas co goberno local antes de proceder ao seu rexistro.
Participarán mozos e mozas intérpretes de ata 18 anos e agrupacións con integrantes de ata 25, procedentes dos municipios do Eixo Atlántico. A programación inclúe concertos didácticos, actuacións abertas ao público e as probas do certame, que se desenvolverán no Auditorio Municipal, na Praza da Constitución e no Conservatorio Profesional de Música. A alcaldesa, Marta Rouco, destacou o impacto cultural e dinamizador do evento para Vilalba. O domingo celebrarase a final e a entrega de premios, aberta ao público.
Durante a visita déronlle un ramo de flores e felicitárona en nome de toda a veciñanza nesta data tan especial. Un xesto co que o Concello quixo recoñecer e poñer en valor ás persoas maiores de Burela, que forman unha parte fundamental da comunidade.
As persoas interesadas en rexistrar documentos para esta ou para calquera outra administración poderán dirixirse á Delegación de Pesca, situada na avenida Gerardo Harguindey Banet, en Celeiro, ou utilizar calquera outro rexistro administrativo habilitado, así como a sede electrónica. A biblioteca municipal permanecerá aberta no seu horario habitual.
Trátase de Bibliodiscoteca, unha proposta de divulgación da música galega a cargo de María Faltri, que adapta os contidos ao público asistente para visibilizar a rica escena musical dirixida a bebés, nenas e nenos, adolescentes e persoas adultas. A artista convidará a descubrir o fondo musical dispoñible na propia biblioteca e animará a pequenas e maiores a bailar e gozar xuntas. A actividade terá lugar na sala de exposicións da Casa da Cultura e a entrada será libre.
A actividade estivo guiada por Susana Vázquez Fernández, coach de saúde emocional e facilitadora en procesos de duelo e perda, quen impartiu unha charla sobre a xestión do ánimo. Foi un encontro pensado para aprender a relaxarse, fomentar o pensamento positivo e coidar a saúde emocional. A iniciativa contou co apoio e colaboración da Asociación de Xubilados Terramar.
As actividades desenvolvéronse durante esta fin de semana na capela e a área recreativa do alto da Grela, que acolleron os actos litúrxicos e a romaría respectivamente, con animación musical, verbena e un espectáculo infantil entre outras propostas.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
