A Deputación en evidencia
O pasado venres o Parlamento de Galicia aprobaba cos votos favorables do Partido Popular e do Partido Socialista a iniciativa da que é autor Jose Manuel Balseiro e na que se pide á Xunta de Galicia que articule un novo sistema de distribución do peixe e marisco -tanto do requisado nos operativos contra o furtivismo, como tamén do procedente dos descartes pesqueiros- para que poida ser aproveitado polos comedores sociais e cociñas económicas do conxunto da nosa comunidade.
Tamén na nosa provincia, vémolo a diario na prensa, a incidencia da crise leva a moitas familias a ter que ser amparados por estas institucións benéficas ao obxecto de garantir que podan acceder a un prato de comida. Esta realidade obriga ás administracións públicas a ser especialmente sensibles e ofrecer medidas útiles, prácticas e construtivas, como a que aquí se propoñía, para colaborar con estas organizacións solidarias que están a desenvolver tan meritoria labor social.
Inexplicablemente, mentres que no Parlamento de Galicia máis das tres cuartas partes das deputadas e deputados foron sensibles a esta realidade e comprobaron as bondades desta iniciativa, na última sesión plenaria da Deputación de Lugo o acordo non foi posible. A iniciativa, trasladada ao Pleno polo Partido Popular non prosperou porque PSOE e BNG decidiron votar na súa contra.
Este comportamento contraditorio di moito da falta de criterio que teñen hoxe os integrantes do Goberno bipartito da Deputación. Pero ademais deixan nun máis que notable ridículo político aos seus integrantes que, desde a comodidade do pazo de San Marcos, pretenden lavarse as mans cando poderían colaborar con centos dos seus veciños que están a pasalo mal.
Que a portavoz do Mar do Grupo Socialista no Parlamento de Galicia -que nun dubidamos coñece o seu ámbito de traballo-, así como o resto dos deputados socialistas en Santiago sexan capaces, non so de entender as bondades desta iniciativa, se non incluso unirse ao PP votando favorablemente para a súa posta en marcha, demostra o moito equivocados que estaban na Deputación de Lugo cando rexeitaron a nosa iniciativa. Pero tamén -e dun xeito máis destacado, se cadra- deixa en evidencia ao deputado socialista Jose Ramón Val Alonso que veu como cada un dos argumentos que empregou para intentar descualificar a iniciativa do PP nin valen, nin convencen, nin llos cren os seus propios compañeiros de partido.
O Goberno da Deputación cos seus ollos pechados ante a realidade o co sectarismo do seu proceder, está a facer un gran dano á provincia. Está claro que non lles importa o benestar dos lucenses. Teñen un pacto de goberno baseado na desconfianza mutua, que obriga aos socialistas a votar en sentido contrario en Santiago e en Lugo para non molestar aos seus socios. Antepoñen conservar o poder, os despachos, os privilexios a impulsar proxectos positivos para os lucenses. Antes que colaborar coa Xunta, prefiren incluso que se tire o peixe ao lixo. E unha vez tras outra, non deixan de cometer errores e de demostrar que teñen poucos principios, que para os lucenses non son de fiar.
Elena Candia López
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
