A Deputación só acerta cando rectifica
A reedición do Goberno bipartito da Deputación de Lugo entre as dúas formacións políticas que perderon as eleccións auguraba a nada disimulada intención de PSOE e BNG de empregar o organismo provincial non como unha administración ao servizo dos lucenses -e especialmente dos concellos máis pequenos-, senón como un instrumento de confrontación constante e conflito político coa Xunta e co Goberno central, polo simple feito de estar xestionados polo Partido Popular.
Vémolo en materia de servizos sociais, quizá un ámbito que pola súa transcendencia e pola importancia e circunstancias particulares dos beneficiarios das prestacións de benestar -persoas maiores e dependentes- debera estar fóra de todo conflito partidista sobre todo cando, como neste caso, ofrecer mensaxes alarmantes ou incluso pretender enganar aos usuarios con falsas alertas asegurando que se poñía en risco a continuidade dos servizos sociais resulta especialmente rexeitable.
Desde o Partido Popular sempre sostivemos que o que tiña que facer a Deputación de Lugo era cumprir a lei: a Lei de Servizos Sociais que aprobaron eles mesmos, en 2008, desde o Goberno bipartito da Xunta. Curiosamente socialistas e nacionalistas que, co seu voto, sacaban adiante o novo texto lexislativo, anos despois, pretendían converterse nunha administración insumisa, pretendían negarse a aplicar a súa propia lei que, con intención de colaborar, distribuía as competencias das distintas administracións no financiamento e apoio dos servizos sociais municipais.
Os populares sempre dixemos que a Xunta cumpriría ao máximo coas súas obrigas porque é a primeira administración interesada en garantir un servizos de benestar de calidade. Porque a pesar dos momentos de crise e axustes orzamentarios, a súa prioridade é blindar os servizos sociais. Será a Consellería de Traballo e Benestar quen financiará a axuda no fogar das persoas dependentes e os traballadores sociais de absolutamente todos os concellos, independentemente do número de habitantes que teñan. A Deputación, pola contra, aplicando esta mesma lei e o decreto que a desenvolve, ten a obriga de apoiar técnica, económica e xuridicamente aos concellos máis pequenos no tocante ao servizos de axuda no fogar básico, isto é, os que atenden a persoas maiores non dependentes.
Por fortuna en días pasados a Deputación lucense anunciou a súa intención de rectificar esta decisión tan errada pola que pretendían deixar abandonados ás persoas beneficiarias do servizos de axuda no fogar básico na maioría dos concellos da provincia, incumprindo a súa propia lei. Están a facelo como resultado da presión do Partido Popular e da inmensa maioría de alcaldes que lles esixían que cumpriran coas súas obrigas e se deixaran de enfrontamentos. Só cómpre lamentar que na súa rectificación sigan a demostrar o sectarismo político que parece innato no bipartito provincial e en vez de reducir en gastos superfluos ou propaganda decidan retirar fondos da construción dun polideportivo en Portomarín, concello gobernado polo PP. Con todo, parece ser que agora a Deputación si porá a parte que lle corresponde no financiamento dos servizos sociais municipais. Cos seus feitos demostran que o Goberno bipartito provincial só acerta cando rectifica.
Jose Manuel Balseiro Orol, Secretario da Mesa do Parlamento e deputado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
