“DECIAMOS AYER…”
A histórica frase que se atribue a Frai Luis de León, coa que se dirixiu ós seus discípulos cando foi reposto na cátedra da Universidade de Salamanca, tras pasar no cárcere 5 anos, enviado pola Inquisición, sérvenos de nexo para proseguir o relato sobre personaxe tan entrañable para os focegos como foi o intelectual don Xosé Trapero Pardo. De feito contábamos na última entrega cómo na súa obra mais carismática, a zarzuela “Non chores, Sabeliña”, ambientada na Terrachá, introducía un personaxe da nosa vila: “Xastrico”.
No primeiro acto da mesma aparece un recanto do campo da feira, no que un grupo de mozas están sentadas cada unha diante da cesta nas que figuran, para a venta, ovos, manteiga, galiñas, froitas, etc. As vendedoras cantan a coro: “¡Ai, San Antonio / dame un mozo guapo /da feira de Meira / da feira de Castro”. Entra “Xastrico” en escena decindo: “Tamén tedes bó gusto!.¿por qué ha de ser o rapaz de Meira ou de Castro?.Eu non son daí que son de Marzán, xunto a Foz. Pero, ¡guapo!, á vista está”…O autor introduce na peza costumista, de ambiente campesiño, un elemento próximo ó mar, pero non netamente mariñeiro evitando o exotismo; por iso o sitúa en Marzán, onde os veciños foron de sempre labregos e mariñeiros, lugar do que hai medio século Manuel María dixera: “as redes mariñeiras a enxugar están / no medio das medas e os medeiros do pan”.
Á obra, primeiro libro publicado en galego (1940) tra-la guerra civil, puxera música Gustavo Freire Penelas, músico insigne que da nome ó auditorio lugués, curmán de Manuel Lugilde Penelas, o histórico mestre de escola que ten rúa na nosa vila.Ao quedar viuvo e sen familia Gustavo Freire viña a Foz onde pasaba tempadiñas co primo.
A última vez que se representou a zarzuela foi en xuño de 2006, a cargo do grupo vocal “Lugh” e a orquestra municipal de Xove, baixo a dirección de Xan Carballal, no auditorio lugués.
Así quedou rexistrado para a posteridade “Xastrico”, personaxe focego de ficción creado en homenaxe ó pobo de Foz, que tanto amou o seu creador, o ilustre escritor e xornalista don Xosé Trapero Pardo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
