SEMINARIO DE XERACIÓN E MADURACIÓN DE IDEAS EMPRESARIAIS:
“Para crear unha empresa necesítase unha idea e non todas as ideas son boas”.
Está aberto o prazo para inscribirse no SEMINARIO DE XERACIÓN E MADURACIÓN DE IDEAS EMPRESARIAIS” que terá lugar os días 11, 18 e 25 de XUÑO na Aula de Formación do Concello de Xove, das 9 ás 14 horas.
Este Seminario está organizado por BIC GALICIA en colaboración co Concello de Xove a través do Departamento de Emprego e Desenvolvemento Local.
Obxectivos:
– Xerar ideas de empresa.
– Madurar ideas de empresa para transformalas en ideas empresariais, ideas de negocio.
– Avaliar unha idea de negocio e ver as súas posibilidades coma proxecto de empresa.
Fundamentación:
Un elemento imprescindible para a creación dunha empresa é dispor dunha boa idea. Pero non so é necesario ter a idea, esta idea ten que ter un mínimo de maduración ou do contrario non será doado traballar con ela para determinar as posibilidades de converterse nun proxecto de empresa.
Por este dobre motivo, o de dispor de ideas e o de que estas teñan un mínimo de maduración, xurde este SEMINARIO DE XERACIÓN E MADURACIÓN DE IDEAS EMPRESARIAIS, unha ferramenta de formación mixta que consta de tres sesións non consecutivas de traballo nas que se comezará descubrindo 34 fontes de ideas para xerar ideas de empresa, para despois autoanalizalas e ao final determinar a súa previabilidade.
Asistentes:
O único que se considera imprescindible para asistir a este SEMINARIO é ter a motivación e a predisposición necesaria para xerar ideas, realizar o proceso de maduración e avaliación posterior, polo que non é necesario dispor dunha idea previa.
Considerase a asistencia a este seminario moi útil para persoas emprendedoras, alumnas de Accións de Formación (especialmente alumnado de últimos cursos de Formación Profesional), beneficiarias de Programas de Fomento de Emprego, desempregadas,…
O número de prazas é limitado e expedirase certificado de asistencia.
Contidos:
– Primeira parte: Xeración de ideas de empresa a partir de fontes de ideas para a súa validación posterior.
– Segunda parte: transformación de ideas de empresa en ideas de negocio para que permita determinar a súa previabilidade.
– Terceira parte: avaliación de ideas de negocio e análise das posibilidades de converterse nun proxecto de empresa.
Para Información e inscricións: 982592001 – Rosa Lage- Axente de Emprego e Desenvolvemento Local.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
