Orde do día do pleno ordinario que se celebrará no Concello de Burela o vindeiro xoves, 31 de maio, a partires das 20 horas. Os asuntos máis destacados, segundo o alcalde, José Mª González Barcia, son as solicitudes ao Ministerio de Fomento de transmisión de titularidade da vía de servizo da variante. Por un lado o treito que vai desde a raqueta do hospital ata O Torno e por outro o tramo que discorre entre Areoura e o centro sanitario. No primeiro caso (hospital-Torno) o rexedor aseguraba hai uns días que “é moi imporante que este treito sexa da nosa competencia de cara ao desenvolvemento do Plan Xeral de Ordenacion Municipal”.
ORDE DO DÍA
DECRETO ALCALDÍA Nº 370/2012
ÓRGANO COLEXIADO: PLENO
DATA SESION: 31 DE MAIO 2012
CARÁCTER:ORDINARIA
O Alcalde, en cumprimento do establecido no artigo 21.1. c) da Lei 7/1985, de 2 de abril, reguladora das bases do réxime local, RESOLVE:
PRIMEIRO: Convocar, para o vindeiro día 31 de maio do 2012, en primeira convocatoria, sesión ordinaria do Pleno Corporativo, ás 20,00 horas, e dous días despois á mesma hora en segunda convocatoria, en caso de non existir o quórum esixido na primeira, no Salón de Sesións da Casa do Concello, a fin de resolver os puntos incluídos na seguinte
ORDE DO DIA
1º.- APROBACIÓN, SE PROCEDE, DAS ACTAS DAS SESIÓNS ANTERIORES: DO 29 DE MARZO, 23 E 27 DE ABRIL E 11 DE MAIO DO 2012.
2º.- DACION DE CONTA DOS DECRETOS DA ALCALDÍA DENDE O Nº 200 DO 22 DE MARZO DO 2012, ATA O DÍA DA CONVOCATORIA
3º.- APROBACIÓN INICIAL, SE PROCEDE DO EXPEDIENTE DE MODIFICACIÓN ORZAMENTARIA 2/2012: SUPLEMENTO DE CREDITO.
4º.- APROBACIÓN, SE PROCEDE, DO RECOÑECEMENTO EXTRAXUDICIAL DE CREDITOS Nº 2/2012.
5º.- APROBACIÓN, SE PROCEDE DA SOLICITUDE AO MINISTERIO DE FOMENTO DA TRANSMISIÓN DE TITULARIDADE DA VÍA DE SERVIZO DA VARIANTE (TRAMO A).
6º.- APROBACIÓN, SE PROCEDE, DA SOLICITUDE AO MINISTERIO DE FOMENTO DA TRANSMISIÓN DE TITULARIDADE DA VÍA DE SERVIZO DA VARIANTE (TRAMO B).
7º.- APROBACIÓN, SE PROCEDE, DA SOLICITUDE Á DEPUTACIÓN PROVINCIAL DE LUGO DA TRANSMISIÓN DE TITULARIDADE DO TRAMO PARCIAL DA VIAL –TRAMO URBANO.
8º.- MOCIÓNS
9º.- ROGOS E PREGUNTAS
SEGUNDO: Notificar a presente Resolución ós Sres. Concelleiros membros do órgano colexiado, advertíndolles que, conforme ó disposto polo artigo 12.1 do RD 2568/86 do 28 de novembro, polo que se aproba o regulamento de organización, funcionamento e réxime xurídico das entidades locais, deberán comunicar coa antelación necesaria calquera causa xustificada que implique a imposibilidade de asistir á citada sesión.
TERCEIRO: Que pola Secretaría se poña a disposición dos Sres. Concelleiros a documentación dos asuntos incluídos na orde do día, acompañando á convocatoria copia das actas das sesións anteriores que se sometan a votación, no seu caso
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
