O programa Km0 favorece a desestacionalización do turismo na Mariña con 4.000 desprazamentos no último ano
– Ribadeo, Xove e Alfoz copan os destinos das rutas medioambientais desta semana, que farán 285 lucenses, entre alumnos de centros de ensinanza e persoas anotadas de xeito individual
– A Deputada de Deseño e Artesanía recibiu hoxe a un grupo de 55 escolares do CPI Dr. López Suárez do Saviñao e outros 48 do CEIP de San Clodio, en Ribas de Sil, que redescubriron os municipios ribadense e alfocense
O programa medioambiental Km0 da Deputación de Lugo favorece a desestacionalización do turismo na Mariña, pois garante afluencia de visitantes á zona fóra de tempada. De feito, dende xaneiro de 2011 rexistráronse uns 4.000 desprazamentos á Costa lucense grazas á iniciativa do organismo provincial, concentrados entre os meses de xaneiro a xuño e de outubro a abril. A Mariña é o destino máis demandado polos participantes, e dende a posta en marcha do programa, no ano 2008, foron un total de 11.000 persoas as que viaxaron á comarca. A praia ribadense das Catedrais, declarada Monumento Natural; Illa Pancha, tamén en Ribadeo; as Covas do Rei Cintolo de Mondoñedo; e o eucaliptal de Chavín, en Viveiro, son algúns dos lugares que máis sorprenden e gustan da Costa.
Ademais, a iniciativa contribúe a manter uns 350 postos de traballo directos en sectores estratéxicos do tecido socioeconómico da comarca mariñana, pois a afluencia de visitantes que garanten as rutas organizadas no marco desta iniciativa –e máis tendo en conta que a Costa é o destino máis solicitado- supón un pulo para actividades como a hostaleira, comercial turística, artesá e agrogandeira. Na actualidade, 35 establecementos da Mariña colaboran con Km0, de xeito que os participantes nos roteiros comen sempre en restaurantes da comarca, ademais de degustar produtos autóctonos e visitar empresas, como conserveiras, lonxas e obradoiros artesáns, así como museos e o patrimonio paisaxístico, cultural e arqueolóxico.
Os municipios de Ribadeo, Xove e Alfoz concentran os destinos das 6 rutas desta semana, que farán 285 lucenses entre alumnos de 5 centros educativos e persoas anotadas de xeito individual. O programa arrancou este martes con dous grupos de escolares, un de 55 rapaces do CPI Dr. López Suárez do Saviñao e outro, de 48 do CEIP de San Clodio, en Ribas de Sil, que recibiu a Deputada de Deseño e Artesanía, Regina Polín, no Salón de Actos de San Marcos. Os nenos do Saviñao coñeceron a olería de Bonxe e desprazáronse logo a Ribadeo, onde comeron no restaurante O Cabazo, fixeron unha travesía pola ría e visitaron o casco histórico e o convento das Clarisas. Pola súa banda, os estudantes do colexio de San Clodio achegáronse ás instalacións da Fundación TIC, dependente da Deputación, e comeron no restaurante Niza de Abadín para viaxar logo a Alfoz, onde coñeceron O Cadramón, a fortaleza de Pardo de Cela, Finca Galea e a ruta Pozo da Onza.
Mañá mércores, 24 rapaces do CEIP A Gándara de Monforte de Lemos e 55 do CEIP O Salvador da Pastoriza estarán en Ribadeo. O primeiro grupo gozará de actividades multiaventura na vila mariñana, logo de visitar en Lugo o Centro de Interpretación Terras do Miño. A comida terá lugar no restaurante La Solana. En canto ós nenos da Pastoriza, visitarán o mazo de Santa Comba e, xa en Ribadeo, comerán no restaurante Marinero, darán un paseo en barco pola ría e pasearán polo casco histórico, cunha parada no Convento das Clarisas.
O xoves conclúe o programa desta última semana de maio con dúas rutas por Ribadeo e Xove, que farán, respectivamente, 55 estudantes do IES de Quiroga e 48 persoas anotadas de xeito individual. Os mozos quirogueses iniciarán o percorrido nas instalacións do Centro de Artesanía e Deseño (CENTRAD) da Deputación, e continuarán cun paseo en barco pola ría ribadense e cunha visita ó casco histórico e ó convento das Clarisas. A comida terá lugar no restaurante O Cabazo. Pola súa banda, o grupo de persoas inscritas de xeito individual visitará o mazo de Santa Comba, comerá no restaurante vivariense Louzao e coñecerá Punta Roncadoira, Portocelo e o porto e o cabo de Morás.
Como inscribirse
Todos os interesados en participar en Km0 poden inscribirse de xeito rápido e sinxelo chamando ó número de teléfono 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa, os participantes teñen un desconto do 10% no custe das actividades.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
