A Mesa critica o “sectarismo doentío” da Xunta, que exclúe a maior asociación cultural de Galiza de toda axuda pública
Contrastan os 256.000 euros para a Fundación Camilo José Cela cos só 6.000 que recibe a Asociación de Escritores en Lingua Galega e os 0 céntimos que recibe A Mesa
A Mesa leva tres anos sen contar con ningunha axuda da Xunta, a pesar de ser a asociación cultural galega con máis socias e socios
Santiago de Compostela, 31 de maio de 2012.- Hoxe publicitáronse no DOG os convenios asinados pola Consellaría de Educación e Cultura no primeiro cuadrimestre de 2012 (http://www.xunta.es/dog/Publicados/2012/20120531/AnuncioG0164-230512-0005_gl.html). Nesa información pódese comprobar, segundo A Mesa pola Normalización Lingüística, unha distribución “sectaria, totalmente arbitraria” das axudas públicas.
Para a maior asociación cultural de Galiza, só desde unha “postura de desprezo total á cultura galega por parte da Xunta” se pode explicar que a Fundación dun só escritor en castelán como foi Camilo José Cela, reciba 44 veces máis diñeiro que a asociación de todos os escritores galegos e de todas as escritoras galegas. “A Xunta afortala máis a cultura en español, que conta con tantísimo resortes de apoio, mentres fai deixamento de funcións na súa obriga de apoiar a cultura en galego”, valora o presidente da Mesa, Carlos Callón.
A Mesa pola Normalización Lingüística considera que é tamén unha “negación da pluralidade existente na sociedade galega” que o Goberno galego, presidido por Alberto Núñez Feijóo, negue “calquera” axuda pública a esta entidade, a pesar de que os seus 4.000 socios e socias a converten na maior asociación cultural de Galiza. “Se non se ofrecen nin a máis pequena axuda á organización con máis membros e con contrastada actividade, cal é o criterio que seguen para a distribución? Que pasa, que para recibir axudas públicas hai que aplaudir a Núñez Feijóo como se fósemos súbditos e non puidésemos ter criterio propio e diferente?”, pregúntanse desde A Mesa.
Ante esta situación, a entidade en defensa do galego, con 26 anos de historia, convida “a todas as persoas que queiran que esta asociación continúa e existir e a erguer a súa voz” a que se afilien á mesma, “xa que a nosa base social é a que nos permite continuar a pesar do sectarismo do Partido Popular”. Calquera persoa con sensibilidade pola lingua galega se pode facer socia a través da ligazón http://www.amesanl.org/gl/formularios/faiteSocio A cota anual é de 18 euros para paradas/os e estudantes e 46 euros a normal.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
