RIBADEO ACOLLERÁ DO 22 AO 24 DE XUÑO O VI CURSO TEMÁTICO DE VERÁN SOBRE EDUCACIÓN INFANTIL NA MARIÑA. ESTÁ ORGANIZADO POLA UNIVERSIDADE DA CORUÑA, O IES DIONISIO GAMALLO FIERROS E A CONCELLARÍA DE IGUALDADE. ESTA EDICIÓN CÉNTRASE NA LITERATURA INFANTIL. A INSCRICIÓN ESTÁ ABERTA DESDE HOXE.
Ribadeo, 1 de xuño de 2012. Ribadeo acollerá do 22 ao 24 de xuño o VI Curso Temático de Verán sobre Educación Infantil na Mariña que organizan a Universidade da Coruña, o IES Dionisio Gamallo Fierros de Ribadeo e a Concellaría de Igualdade.
Literatura infantil, algo máis que conto é a temática que se abordará nesta edición. O director do curso, Xesús Ferreiro, explicou que “esta edición está adicada á literatura infantil, non só á escrita ou ao formato libro, senón a todo o que está detrás e arredor dese formato libro. Tamén abordaremos un pouco o tema da oralidade, desa transmisión oral que foi chegando á nosa xeración”.
Este curso de verán está dirixido “aos mestres ou técnicos de educación infantil, ao alumnado que estea formándose neste campo, a persoal de xardíns de infancia, a alumnos do Ciclo de Grado Superior en Educación, auxiliares coidadores/as de escolas infantís…”, seguiu a relatar Ferreiro.
Son 125 as prazas que se ofertan para este curso de 20 horas, que se desenvolverá no Cine Teatro de Ribadeo. A inscrición abríuse hoxe na web da Universidade da Coruña e “aí entrando na oficina de cursos e congresos aparecen os cursos de verán deste 2012 e picando no simboliño deste curso de Ribadeo pódese acceder a toda a información do mesmo, ao programa e os impresos de solicitude, facer o pago na oficina bancaria correspondente, etc… E senón tamén poden acceder a toda esta información na páxina web do IES Dionisio Gamallo Fierros de Ribadeo”. Desde a organización recomendan non deixar a inscrición para os últimos días, “si hai persoas interesadas que a fagan canto antes, porque despois igual hai máis demanda que prazas dispoñibles nese momento”. Xesús Ferreiro engadiu que “despois tamén faremos unha pequena distribución de carteis e trípticos polos colexios, institutos, bibliotecas e escolas infantís da zona”.
No acto de presentación, que tivo lugar este mediodía no salón de plenos do Concello de Ribadeo, participaron a edil de Igualdade, Mariluz Álvarez Lastra; o director do IES Dionisio Gamallo Fierros, Manel Yáñez Dablanca; e o director do curso de verán, Xesús Ferreiro Núñez.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
