INESCUSABLE, INELUDIBLE E OUTRAS COUSAS.
Cando un gobernante actual xoga a “Apalabrados” e aparécelle unha I, ilumínaselle a cara. Hai millóns de exemplos, pero tomemos por exemplo o decreto de medidas urxentes de racionalización do gasto público no ámbito educativo, coñecido coloquialmente como decreto de disolución da universidade.
Empeza co inescusable obxectivo de estabilidade orzamentaria. Inescusable. Ese adxectivo que nos devolve á infancia e aos deberes de matemáticas. – É que me deixei o caderno en casa . – Non me veñas con escusas, Alfonso.
Segue cos obxectivos irrenunciables de calidade e eficiencia. Irrenunciable. E todos aprendemos que onde di eficiencia debe dicir en realidade uns cantos miles de traballadores públicos de patiñas na rúa, ou unha redución dos recursos que lles quedan aos sobreviventes para xestionar o seu traballo e o que deixan de facer os que se van.
E acaba cunha ineludible contención do gasto público. Ineludible, isto é, que non o podemos eludir. Todo nesta vida ten solución, excepto a morte e a contención do gasto público, que é ineludible.
Se repasan os BOE destes últimos meses, verán que están cheos de ies: inaprazable, improrrogable, innegociable, inescusable, imperdoable, ineludible, inaceptable, indiscutible, irrenunciable… Por iso, Merkel avisa a Hollande que as medidas de austeridade son innegociables. E por iso o President da Xunta utiliza sempre a expresión “Non hai outro camiño”.
A morte do debate
O problema non é que nos abocamos a un programa de austeridade extrema en plena crise, co que probablemente taponamos a saída á crise. Talvez non. O principal problema é que se escribiu un relato falso, porque nega calquera alternativa, calquera plan B. Nega ata o debate. Ou a discrepancia.
Cando un obxectivo é ineludible, quere dicir en primeiro lugar que non imos perder o tempo en explicalo. Como os pais que responden aos seus fillos “porque si” ou “porque o digo eu”, o que é ineludible non necesita ser razoado. Isto é así e non me fagas perder o tempo explicando por que. Ou sinmplemente, como. Ou, aínda mellor, cando.
Cando un obxectivo é ineludible, quere dicir ademais que non estamos dispostos a dubidar, nin a cuestionarnos o fin ou os medios. Como é ineludible, aperto o acelerador e non me pregunto se se acabou de construír a ponte. A dúbida é moi útil porque incorpora matices, medos, riscos, notas ao pé de páxina…, que permiten substituír a simplicidad infantil pola complexidade da vida mesma.
E finalmente, cando un obxectivo é ineludible, non se permite pensar en plans alternativos, en plans B, que axuden a mostrar un catálogo de respostas posibles moito máis amplo. Case sempre hai varias solucións para un problema, o que non quere dicir que todas sexan válidas. Pensar en opcións axuda ademais a corresponsabilizarnos das decisións, a facernos partícipes do acordado para bo ou para o malo.
En definitiva, encher os decretos e os discursos de íes é unha forma silenciosa de acalar o debate e, en boa medida, iso que chamamos democracia. Ineludiblemente.
OTERO REGAL
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
