GONZÁLEZ BARCIA FIXO UN BALANCE DAS FESTAS PATRONAIS QUE REMATARON HOXE COA OFRENDA FLORAL AOS NÁUFRAGOS. O REXEDOR DESTACOU A COLABORACIÓN VECIÑAL PARA QUE OS FESTEXOS FOSEN UNHA REALIDADE.
Burela, 5 de xuño de 2012. O alcalde, José María González Barcia, fixo un balance positivo das festas patronais de Burela que remataron este mediodía coa ofrenda floral aos náufragos. O rexedor destacou a colaboración cidadá para que os festexos fosen unha realidade e anima aos veciños a traballar codo con codo para sair adiante.
González Barcia dixo que “as festas este ano tiveron unha excepcional brillantez porque, a pesares da situación que estamos a vivir, Burela concentrou moitísima xente durante estes días. O máis destacable é iso e tamén que non houbo incidentes destacados nestes festexos, que se viviron en armonía, en amistade, foron días de reencontro cos amigos, coa familia e incluso cun mesmo, que nunca ven mal de vez en cando”.
Para o alcalde “as festas de Burela tiveron unha grande participación cidadá, a que se refire á colaboración para que as festas fosen unha realidade. Podería citar colectivos implicados directamente nas festas, pero tamén hai moitas persoas que dun xeito anónimo estiveron aí e non vou enumeralos a todos porque sería longo e para non esquecerme de ninguén, é o caso das persoas que traballaron durante semanas e o mesmo sábado para a elaboración da alfombra floral. É bó destacar ese espíritu de colaboración cidadá para que as festas de Burela resultasen ben”.
González Barcia agarda que “o futuro que empeza tamén hoxe sexa bó, tal e como dicía eu onte, os ventos nos serán bós, os ventos nos serán propicios, xa non só para aquelas persoas que saen para a costeira do bonito mañá ou os vindeiros días ou que xa están no mar, tamén serán bós para os que nos quedamos en terra adicándonos ao que nos temos que adicar. Despois destes días festivos nos que os actos relixiosos tiveron unha especial relevancia e brillantez, onde as verbenas estiveron moi concorridas… agardo que cargáramos pilas e que codo con codo pelexemos polo noso futuro, que estou completamente seguro de que é noso e témolo a man”. O rexedor dixo que “hai que seguir pelexando e loitando e empezar a preparar as festas do vindeiro ano. Seguro que seguiremos cantando a salve mariñeira durante moitos anos e estou completamente seguro de que seguiremos facendo procesións durante moitos anos, divertíndonos como nós sabemos divertirnos e traballando porque a situación é a que é e estou seguro de que entre todos saberemos saír cara adiante”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
