A Fundación TIC promocionará as praias da Mariña difundindo actividades deportivas e medioambientais
– O Deputado de Economía do Coñecemento e patrono da TIC, e a presidenta do North Shore Surf Club de Barreiros presentaron un amplo programa de deportes e actividades acuáticos e medioambientais
– Técnicos da TIC e alumnos e bolseiros da Escola de Imaxe e Son realizarán material audiovisual para difundir estas actividades e completar a súa formación práctica
– A Deputación continúa deste xeito potenciando a calidade turística e medioambiental da Costa luguesa con actividades de lecer, trala exitosa segunda edición do Surf-Camp
O deputado de Economía do Coñecemento, Emprendedores e Innovación e patrono da Fundación TIC, José Ramón Val Alonso, e a presidenta do North Shore Surf Club, Fátima López Soto, presentaron este sábado na praia das Oliñas, en Barreiros, un programa repleto de actividades relacionadas cos deportes acuáticos e a protección do medio ambiente, que durante os meses de verán terán como escenario as praias deste Concello mariñano. Todas estas actividades serán gravadas polos técnicos da Fundación e os alumnos e bolseiros da Escola de Imaxe e Son, cunha dobre finalidade: por unha banda, o material audiovisual froito dese traballo servirá para difundir esta iniciativa do club de surf barreirense e, por outra, será unha nova oportunidade para que os estudantes do único centro da provincia que imparte ciclos da familia do audiovisual completen a súa formación a través de prácticas reais, empregando os medios técnicos máis modernos, de cara á súa futura incorporación ó mercado laboral.
Surf e Medio ambiente
As actividades programadas darán comezo o sábado 23 de xuño coa limpeza das praias do municipio de Barreiros que levarán a cabo os participantes. A extensión e número de areais obxectivo desta limpeza dependerá do volume de participantes, e ós asistentes facilitaráselles o material preciso para a recollida de lixo. Pero non todo será traballo: a xornada rematará coa entrega dos agasallos aportados por varios dos patrocinadores da iniciativa, como as escolas de surf Hola, Ola! de Ribadeo e Sensación Surf de Foz, que ademais impartirán un curso gratuíto ós rapaces que colaboren. Tamén está previsto organizar xogos de cazatesouros nestas praias. Ó remate da limpeza, os participantes farán unha cacheira de San Xoán e unha espicha.
Xa no mes de xullo, o sábado 28 terá lugar un Anticampionato de surf, no que os participantes poderán gozar coa práctica deste deporte e facer gala das súas habilidades, sen a presión dunha competición. Haberá premios para as mellores olas, a mellor caída e mesmo para o atuendo máis orixinal e chamativo.
O día 18 de agosto celebrarase na praia de Lóngara o II Mercadillo de Surf, no que os afeccionados poderán vender e mercar material de segunda man. Será unha boa ocasión tamén para achegarse a curiosear, xa que a entrada é totalmente gratuíta para todo o mundo. O programa estival rematará o domingo 19 de agosto coa I Remada Popular, travesía a remo dende a praia de Lóngara, durante a que os participantes terán que colocar tres boias no mar, o que poderán facer nas modalidade de bodyboard, shortboard e longboard.
Novas actividades tras o éxito do Surf-Camp
Esta non é a primeira iniciativa que a Deputación de Lugo pon en marcha na Mariña co obxectivo de promocionar a costa luguesa de cara ó exterior, desestacionalizando o turismo e poñendo en valor a riqueza medioambiental da zona. Así, o Km0 Surf-Camp Deputación de Lugo, que este ano celebrou con éxito a súa segunda edición, foi un impulso para a economía dos Concellos da Mariña, aumentando a ocupación hoteleira durante tres días na costa luguesa, rozando o 80% na zona oriental e incluso superalo en Concellos como o de Ribadeo.
Deste xeito, 230 inscritos (o dobre do previsto ante a avalancha de solicitudes), procedentes non so das catro provincias galegas, senón de toda a metade norte de España, como León, Bilbao ou Asturias, e mesmo de Madrid, xunto á presenza dos mellores surfers a nivel nacional, a asistencia de medios nacionais e internacionais para cubrir o evento e as boas condicións meteorolóxicas converteron á Mariña en referencia turística fóra de tempada. Novamente, as actividades de ocio na costa luguesa sen dúbida contribuirán a promocionar, dun xeito diferente e orixinal, os areais de calidade cos que conta a provincia.
A TIC, ó servizo da provincia
A Fundación TIC apoia a máis de medio cento de asociacións sen ánimo de lucro da provincia e mantén contratos con máis de 60 empresas nacionais do sector multimedia. O principal obxectivo destes acordos é proporcionar experiencia laboral ós alumnos e titulados da EIS para que poidan acceder con máis facilidade a postos de traballo no sector audiovisual. Entre as organizacións coas que colabora a Fundación TIC figuran ONGs e asociacións culturais para apoiar o seu labor social e impulsar a inserción laboral de persoas con discapacidade; entidades deportivas, que promoven o deporte base; así como empresas que fomentan o emprego das novas tecnoloxías no tecido industrial da provincia. No último ano, a Fundación TIC incrementou en máis dun 400% os convenios asinados con colectivos lugueses.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
