Nota de Prensa
NEVES CANDO ASEGURA QUE O PP VIVE FORA DA REALIDADE E QUE SÓ ESTÁ OBSESIONADO CON RECUPERAR O PODER
Burela, 18 de marzo de 2009. A teniente de alcalde de Burela e voceira do grupo municipal do BNG, Neves Cando, fai unha serie de reflexións neste día “para tentar aclararlles as ideas ao PP porque vemos que están moi confusas”. A edil nacionalista lembra que “en Burela gobernan o PSOE e o BNG porque así o decidiron a maioría dos veciños e das veciñas de Burela despois de tan só dous anos de goberno municipal do PP capitaneado polo actual portavoz da oposición o señor González Barcia. Os veciños non quixeron que o PP seguise gobernando en Burela. O seu proxecto sí que estaba esgotado, nada máis tiñan que aportar ao noso pobo e era hora de que deixaran paso a quen sí quere traballar por e para Burela por e para todos os veciños de Burela”.
Neves Cando engade que “fala agora o PP de Burela de crear entre os seus concelleiros áreas de actuación para controlar ás existentes e así actuar de goberno paralelo. Qué curioso que o PP se decida agora a traballar cando non o fixo estando no goberno, pero agora son oposición e iso é o que ten que facer o PP e así poderá comprobar o que se leva feito en todas as concellerías, algunhas delas por certo nin siquera existían ou nada se sabía delas. E é de agradecerlles que agora os concelleiros do PP de Burela vaian traballar gratis controlando ao equipo de goberno cando durante moitos anos cobraron irregularmente e nunca devolveron 24 euros ao día cada vez que simplemente se pasaban polo Concello cando gobernaban”.
A teniente de alcalde de Burela sinala que “os veciños de Burela ven día a día o que se está a traballar desde o goberno municipal. O PP está vivindo fora da realidade e só está obsesionado con recuperar o poder, porque se iso non fose así tería que recoñecer todo o que se están traballando por Burela, en servizos sociais, na mellora do noso pobo, no comercio, no turismo, no deporte, en sanidade, en educación, en cultura e isto só con menos de dous anos de goberno municipal noso en Burela. Dous anos desde que, porque así o quixeron os veciños e veciñas de Burela, o PP perdeu o poder que é o único que parece que lles preocupa. Esta obsesión impídelles ver todo o traballo feito ata o de agora por nós”.
Cando manifesta que o “o PP di que a cidadanía está desmoralizada ante a ineficacia do goberno municipal. Outra proba máis de que o PP vive noutra galaxia e non no noso pobo. Quenes están desmoralizados son eles porque ven que a xente de Burela sí que ve resultados positivos no noso traballo no Concello e non só estudios de viabilidade e proxectos que eran a especialidade do señor González Barcia, pero que despois non se reflexaban en ningún traballo. Falta de traballo e de dedicación era o que había antes co PP e por exemplo simplemente mencionar a perda de 200.000 euros de subvención para a mellora da rúa Eijo Garay que ao final tivemos que pagar entre todos os veciños porque o PP no goberno municipal daquela non fixo o seu traballo”.
A edil nacionalista remata facendo unha invitación “eu invitaría a todos os veciños de Burela a achegarse aos plenos municipais para que puideran comprobar en persoa o que o PP ten que ofrecerles e así poderían ver como se comportan os representantes deste partido político ao natural sen enganar a ninguén. E pídolle ao PP que sexan máis leais cos veciños de Burela e agora que van ter responsabilidades no goberno da Xunta de Galicia que as súas ansias de poder non lles impidan ver a realidade”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
