Cervo presenta o Campionato de fútbol 11 que terá lugar esta fin de semana e repartirá 900 euros en premios
-A A.D.C San Román organiza este evento deportivo coa colaboración do Concello cervense
Cervo, 2 de xullo de 2012-O Concello de Cervo e a A.D.C. San Román presentaron esta tarde un evento deportivo que terá lugar esta fin de semana no campo de fútbol da asociación deportiva e no que se repartirán trofeos entre os tres mellores e ata 900 euros en premios. No acto estiveron presentes o alcalde de Cervo, Alfonso Villares, o edil de Deportes, José Ramón Soto e representantes da A.D.C. San Román, a entidade organizadora do evento coa colaboración do Concello.
Trátase dun Campionato de fútbol 11 que se disputará os días 7 e 8 de xullo e que está aberto á participación de todos os equipos que o desexen ata un máximo de 12, polo que en caso de superarse ese número realizarase un sorteo cuxos resultados se farán públicos o vindeiro xoves. Os equipos poderán contar con xogadores a partir de 16 anos en modalidade libre e para participar neste torneo deberán inscribirse ata o 5 de xullo.
En canto aos premios, os tres primeiros clasificados levarán un trofeo, mentres o gañador recibirá ademais 600 euros en metálico e o segundo 300 euros. Tamén haberá premios para o porteiro menos batido e o máximo goleador do campionato. “Dende o goberno local consideramos que é necesario potenciar eventos coma este, nos que se fomenta a relación e o xogo entre distintos equipos, que se enfrontarán a novas situacións” explica o edil de Deportes, polo que “enriquecerán a súa experiencia futbolística”. Ao mesmo tempo, Soto destaca que “San Román concentrará un evento deportivo de relevancia que convocará a centos de persoas, e co que ademais demostrarase que o fútbol segue cargado de actividade máis alá do remate da temporada”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
