NOITE APOTEOSICA
Así foi a do pasado venres en Foz onde a música foi protagonista de horas que deixaron nos espectadores un contento acaso poucas veces vivido en eventos semellantes.. As cantigas galegas, foron ledicia dos presentes no Campo da Cabana, lugar axeitado para actos semellantes, que ofrece o risco da intemperie; que en Foz non pode obviarse por falta da elemental infraestructura.Nese senso acaso sexa o concello da Mariña que presenta maior deficiencia, o que impide acometer iniciativas de certa magnitude. Unha mágoa para a veciñanza e para a imaxe dunha vila que proclama a condición de “turística”…Neste caso non houbo loita cos elementos, pois a choiva non fixo acto de presencia dende moito antes de iniciarse o festival, coa sorpresa de quen chegaron a él, tras unha viaxe con auga; e aquí unha noite calma, agradable, ata a unha da madrugada que rematou, con ambiente fresco, e a contrariedade do público que desexaba seguir desfrutando de tan notables artistas, o que evidencia o éxito do festival que abriu a focega Ugía Pedreira, co poderío da súa voz e a singular interpretación, e ó piano noso veciño laurentino Lino, profesor no Conservatorio de Viveiro, do que actuou o Grupo de Improvisación; Miro Casabella, historico de Voces Ceibes; o cantautor Arcadio; o grupo Canore Sons da veciña Burela, pechando Escolma de Meus, formada por músicos de extenso percorrido que amais da contrastada calidade musical puxeron sobre o escenario a simpatía e o humor que é gala do seu pobo viveirés. Iste amplo elenco mariñán, viuse reforzado coa presencia de dous persoeiros moi vencelladas á bisbarra: Sito Sedes, ex-cantante dos Satélites ou Os Tamara, de recoñecida elegancia e personalidade e Paco Lodeiro, popular da TV, polifacético do espectáculo, que deo o seu outo nivel de cantante co impresionante poema de Curros Enriquez, musicado, “Nouturnio”, tamén coñecido por “O vello e o sapo”. Tódolos participantes foron agasallados cos entusiastas aplausos da numerosa concurrencia que nós facemos extensivo ás persoas que fixeron posible o espectáculo, de xeito especial a Arcadio Mon, alma e corpo do mesmo.
Suso Fernández
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
