O Concello e a Fundación Alcoa dan a coñecer o muíño restaurado de San Román de Vilaestrofe
-A actuación consistiu na reparación dos muros, a consolidación da cuberta e a restauración das engrenaxes e mecanismos do muíño
Cervo, 17 de xullo de 2012-O concello de Cervo amplía o seu patrimonio cultural e etnolóxico coa recuperación e posta en valor do muíño “O Rabeno”, situado na parroquia de San Román de Vilaestrofe e movido polas augas do río Xunco. O resultado do proxecto de restauración deuse a coñecer esta tarde nun acto de presentación ao que acudiron o alcalde de Cervo, Alfonso Villares, membros do goberno local, o director xeral de Alcoa Primario España, Rubén Bartolomé e representantes doutras entidades colaboradoras. Unha actuación financiada pola Fundación Alcoa, cun orzamento duns 18.000 euros, que contou co apoio do Concello de Cervo, así como a implicación da Mancomunidade da Mariña Occidental e a Asociación de Mulleres Rurais “As Espalladoras”.
A recuperación do muíño incluíu numerosas e minuciosas tarefas, comezando pola consolidación dos muros de granito e a reparación e reposición de pedras. Tamén se realizaron traballos na cuberta, tanto na estrutura de madeira, que foi saneada e tratada, como na parte superior, que conta cunha lámina protectora e un tellado de lousa. Ao mesmo tempo, restauráronse os elementos singulares desta construción, como o mecanismo do muíño, no que se realizou unha reparación mecánica; ou os elementos de madeira, incluíndo a porta de acceso.
Unha actuación de recuperación “completa” que permite á veciñanza, así como a visitantes e turistas, “contemplar no seu esplendor unha peza histórica que forma parte da riqueza patrimonial de Cervo”, tal e como explica Villares e que a partir de agora “constitúe un atractivo turístico máis do interior de Cervo, que se une á beleza paisaxística e natural do rural cervense para constituír unha zona con moitas posibilidades”.
O alcalde aproveitou a ocasión para agradecer á Fundación Alcoa “a súa preocupación e o seu interese” por recuperar este muíño, “unha construción cunha forte compoñente cultural e etnolóxica, que fala das nosas tradicións” e ao mesmo tempo “lémbranos que estamos nun municipio moi vinculado á auga, debuxado polos ríos Xunco e Covo”. Villares rematou convidando “tanto á veciñanza como aos nosos visitantes a achegarse ata este muíño posto en valor con rigorosidade histórica e atendendo ás súas características orixinais”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
