Sargadelos inaugura o Taller Internacional de Cerámica no que 30 creadores participan en experiencias con arxila galega
-A factoría tamén traballa nun proxecto sobre Cerámica e Gastronomía no que colabora o Concello de Cervo
Cervo, 2 de agosto de 2012-A planta de Sargadelos en Cervo convértese neste mes de agosto no punto de encontro de 30 creadores procedentes de catro países e de cinco comunidades autónomas españolas no Taller Internacional de Cerámica, que se reúnen na fábrica para intercambiar experiencias coa arxila galega. Este mediodía tivo lugar a inauguración oficial desta iniciativa na planta circular da factoría, un evento que contou coa presenza do director do grupo Sargadelos, José Luis Vázquez e o alcalde de Cervo Alfonso Villares, así como o profesor do Centro de Estudos Superiores Universitarios de Galicia, Tomas Valente, coordinador dun proxecto cuxos resultados se poden ver nunha exposición que tamén foi inaugurada hoxe.
Entre os eventos da inauguración do Taller Internacional de Cerámica tamén se atopaba a celebración dunha Mesa Redonda. O tema a debater era “Deseño e Gastronomía, novos usos, novos soportes” e para abordalo acudiron profesionais de diferentes disciplinas, como deseñadores, arquitectos e gastrónomos, dous deles procedentes da Oficina do Historiador da Habana, coa que Sargadelos traballa nun proxecto sobre cerámica e gastronomía co que tamén colabora o Concello de Cervo. Esta iniciativa consiste na análise da influencia mutua que existe entre o deseño e a gastronomía.
Durante a inauguración, o alcalde de Cervo recoñeceu “a importante labor de formación, innovación e renovación constante que guía todas as actuacións que desenvolve Sargadelos”. O Taller Internacional de Cerámica ou o proxecto Cerámica e Gastronomía son exemplos “desta aposta da factoría por seguir avanzando pero, sobre todo, por incluír a cerámica dentro do contexto actual e por mesturalo con outras disciplinas que están directamente ligadas a ela, como a gastronomía, o deseño, a arquitectura e outras vertentes da arte para non perder a perspectiva e evitar que a cerámica quede illada” engade Villares.
Taller Internacional de Cerámica
O Taller Internacional de Cerámica, que comezou onte e rematará o 22 de agosto, reúne a deseñadores, ceramistas, arquitectos, publicistas, deseñadores gráficos e alumnos de Belas Artes. Todos eles participarán na elaboración de pezas de cerámica combinando as técnicas tradicionais coas máis recentes, que inclúen as últimas tecnoloxías de aplicación cerámica.
No acto de apertura do taller tamén tivo lugar a inauguración dunha nova exposición titulada “From form”. Esta mostra é o resultado dun taller realizado polo alumnado de segundo curso da Escola de Arquitectura do Centro de Estudos Superiores Universitarios de Galicia (CESUGA) xunto con Sargadelos. Nel, os estudantes realizaron unha intervención sobre unha peza de cerámica de Sargadelos, en concreto dunha cafeteira, que foi dividida en 15 fragmentos diferentes. Cada alumno se ocupou dun deses anacos e a partir del tivo que deseñar pezas do mobiliario urbano como bancos, luminarias, muros ou pérgolas. O taller rematou coa creación de 15 pratos nos que aparecen os deseños dos alumnos e que forman parte da exposición.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
