SEGUNDO DUELO CO SANTIAGO FUTSAL (SÁBADO 1, TUI)
O Burela FS Pescados Rubén volverá verse as caras mañá co Santiago Futsal no segundo duelo da pretempada, tras o título laranxa no VIII Memorial Celso Currás de Trabada. O I Trofeo Cidade de Tui reunirá os rivais de Primeira no novo pavillón municipal, a partir das 20.30 horas.
A escuadra de Julio Delgado chega á cita con pleno de vitorias na etapa de preparación. O tarro que abriu a vitoria de Trabada ante os composteláns (3-1) o sábado pasado, completouse esta semana cos triunfos ante o Automoción La Junquera (5-3), o luns en San Cibrao, e O Esteo As Pontes FS (3-2), onte na bomboneira.
Os laranxas estreáronse ante a afección de Vista Alegre con dominio sobre os coruñeses, aínda que sen demasiada frescura debido á carga de traballo da pretempada. Juanma marcou a vantaxe na primeira parte, tras inaugurar o luminoso Fabio e igualar Pellón, de dobre penalti. No segundo período, tras o empate de Rubén (2-2), Fabio volveu poñer terra por medio, xa con André como porteiro-xogador. Polo Burela FS, saltaron no cinco inicial Iago Barro, André, Iago Míguez, Juanma e Christian; tamén xogaron Mimi, Enrique, Dani Martín, Hugo, Antón, Fabio e Edu. Na banda coruñesa, José Carlos, Pellón, Fernández, Gerardo e Rubén conformaron o quinteto de saída, coa intervención de Alberto, Juan, Anxo Lois e Diego.
O prezo das entradas en Tui será de 5€ para adultos, 3€ para nenos maiores de 10 anos (menores de 10, gratuíto).
Presentación do Azkar Lugo
Os burelaos abrirán a axenda da vindeira semana con outro equipo de Primeira, en Lugo. Será o martes, 4 de setembro, na presentación en sociedade do Azkar, a partir das 21.00 horas.
Copa Galicia Feminina
As xogadoras de Javier Pardeiro tamén terán adianto da Primeira División os próximos días, co Viaxes Amarelle, equipo que debutará na máxima categoría en 2012-13. O pavillón da Veiga de San Cibrao reunirá a coruñesas e burelás o mércores, 5 de setembro, na fase de grupos da XXII Copa Galicia Feminina, ás 20.30 horas
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
