O ente provincial abusa do proceso excepcional para a concesión de subvencións negando a posibilidade de acceder ás axudas a outros municipios
O GPPP considera sorprendente que dos preto de 50 millóns de pesetas concedidos en subvencións excepcionais en agosto, os Concellos do PP non reciban nada, pese a gobernar no 70% dos municipios
O Grupo Provincial do Partido Popular cualifica de “alarmante” a recorrencia do ente a concesión de subvencións de caracter excepcional para aqueles municipios da súa mesma cor política evitando así o proceso de libre concorrencia e discriminando negativamente ao resto dos municipios
Os criterios diferenciadores nos que se fundamenta a Deputación para a aprobación deste tipo de convenios coinciden co do resto dos concellos, polo que os populares poñen moi en dúbida esa excepcionalidade e aseguran que todo parece indicar que o que se pretende o ente é pagar factores políticos con diñeiro público
Esta actuación do goberno de Gómez Besteiro amosa o proceder “sectario” que empregan o BNG e o PSOE á hora de conceder subvencións, especialmente en época electoral
Entre estas actividades subvencionables destacan algunhas como cursos de risoterapia, polo que en época de crise, os populares piden un maior exercicio de responsabilidade
Lugo, 31-08-2012 – O Grupo Provincial do Partido Popular rexeita o elevado abuso do proceso de excepcionalidade por parte da Deputación lucense para a concesión de subvencións. A portavoz provincial do Partido Popular, Elena Candia, explica que a deputación concede preto de 50 millóns de pesetas durante o mes de agosto soamente a concellos do BNG e do PSOE a través de subvencións excepcionais, empregando así un procedemento menos transparente. Os populares consideran sorprendente que os concellos do PP non reciban nada desta contía pese a gobernar no 70% dos municipios.
O Grupo Provincial do Partido Popular cualifica de “alarmante” a elevada recorrencia do ente a concesión de subvencións de carácter excepcional para priorizar así as demandas daqueles concellos xestionados por gobernos da súa mesma cor política. Dende o ente provincial evitan así o principio de libre concorrencia e polo tanto a concesión de subvencións en función de criterios de necesidade obxectiva.
A portavoz do Partido Popular explica que os criterios nos que se fundamenta a Deputación para a aprobación dos convenios reguladores das subvencións excepcionais coinciden nos diferentes concellos e polo tanto, non son motivos xustificadores da concesión de subvencións excepcionais en detrimento doutros municipios. Os populares poñen moi en dúbida esta excepcionalidade e aseguran que todo parece indicar que o que se pretende é pagar factores políticos con diñeiro público
A portavoz do Grupo Provincial Popular asegura que este procedemento amosa a actitude “sectaria” do goberno dirixido por José Ramón Gómez Besteiro e que se acrecenta en épocas electorais. Elena Candia critica que o organismo provincial impide a posibilidade de que os municipios gobernados polo PP accedan a estas subvencións, e beneficien aos concellos en función do seu voto político.
Da lectura das xuntas de goberno, extráense actividades subvencionables de ocio e lecer como risoterapia, dado ao que dende o Grupo Provincial do Partido Popular piden un maior exercicio de responsabilidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
