RIBADEO ACOLLERÁ O VINDEIRO DOMINGO A DÉCIMA EDICIÓN DA FEIRA DA HORTA QUE ORGANIZAN O CONCELLO E A SUCADOIRA. ANA MARTÍNEZ SINALA QUE “SE TRATA DE APOIAR E VALORIZAR A ECONOMÍA LOCAL E O CONSUMO DOS PRODUTOS DA TERRA DESTA ZONA”.
Ribadeo, 27 de setembro de 2012. A praza de abastos de Ribadeo será escenario o vindeiro domingo, 30 de setembro, da décima edición da Feira da Horta que organizan o Concello e a asociación de produtores A Sucadoira. A cita conta coa colaboración de ACISA a través da sección de hostalería.
A concelleira de Desenvolvemento Local e Turismo, Ana Martínez, sinalou que “esta feira supón o broche a esa tempada de horta que se celebra cada domingo durante o verán nos arredores da praza de abastos de Ribadeo cunha grande afluencia de público”. A edil nacionalista dixo que “este evento non é só unha feira de exaltación dos nosos produtos, senón que é un punto de encontro co local, con esa volta ao consumo de proximidade, dos produtos de calidade, porque nestes momentos complicados debemos apoiar e valorizar a economía local e o consumo na zona”.
A X Feira da Horta dará comezo ás 9 da mañá coa apertura dos postos dos produtores. Ás 11 haberá música en directo da man dun grupo de gaiteiros Soutoximaro. Ás 11:30 terá lugar un obradoiro lúdicos dirixido aos máis pequenos entorno á producción agroecolóxica. A partires das 12 o xefe do servizo de Calidade Agroalimentaria da Xunta, José Mouriño Cuba, e o alcalde de Ribadeo, Fernando Suárez Barcia, realizarán unha intervención na Feira da Hora, “á que seguirá unha das primeiras novidades desta cita que será a cociña en directo da que poderemos disfrutar, elaborada con produtos da zona e con degustación dos mesmos. Para este Ribadeo degusta contamos coa colaboración de dous cociñeiros de Ribadeo, José Blanco do restaurante La Solana, e Manuel López Valencia do hotel restaurante Voar”, segundo explicou Ana Martínez.
Durante a xornada haberá tamén unha mosta de oficios e costumes tradicionais do grupo de Portadores de Tradición Oral San Tirso del Eo. A concelleira de Desenvolvemento Local e Turismo subliñou que “outra das novidades deste ano, que conta coa colaboración de ACISA, será que uns 25 locais hostaleiros asociados elaborarán tapas degustación gratuitas cos produtos aportados pola horta. Así este ano a degustación terá lugar nestes bares e restaurantes ribadenses”. Ana Martínez convida “a todos e a todas a vir o domingo a Ribadeo a disfrutar desta xornada non só gastronómica senón tamén de concienciación de consumo local dos nosos produtos, que van da terra ás nosas mesas sen pasos de conservación, coa frescura e coa calidade da proximidade, e comprobar así en directo que Ribadeo e Mariña dispón dunha horta de calidade que merece a nosa atención”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
