Os socios de goberno de Gómez Besteiro favorecen descaradamente co diñeiro dos lucenses aos colectivos nacionalistas e fano a través dun procedemento extraordinario no que no permiten concorrer a outros colectivos
A Deputación de Lugo destina 30.000 euros a unha fundación vinculada ao BNG a través dunha subvención directa e extraordinaria
Os deputados socialistas a nacionalistas acordaron conceder esta axuda á Fundación Bautista Álvarez de Estudos Nacionalistas que constituída en xullo de 2004 a iniciativa da Unión do Povo Galego (UPG) partido hexemónico dentro do BNG
Lugo, 29 de setembro de 2012.- Os populares lucenses denunciaron no día de hoxe que a Xunta de Goberno da Deputación provincial de Lugo -integrada por deputados socialistas e nacionalistas- decidiu conceder unha subvención directa e extraordinaria a unha fundación vinculada ao BNG.
Deste xeito, os socios de goberno de Gómez Besteiro favorecen descaradamente co diñeiro público de todos lucenses aos colectivos nacionalistas e fano a través dun procedemento extraordinario, que por non ser de libre concorrencia impide acceder á mesma axuda a outros colectivos asociativos da provincia.
Os feitos aconteceron o pasado 21 de setembro cando a Xunta de Goberno acordaba por unanimidade “Conceder á Fundación Bautista Álvarez de Estudos Nacionalistas, unha subvención directa de carácter excepcional, por importe de trinta mil euros”. Dáse a circunstancia de que este colectivo favorecido con diñeiro público por socialistas a nacionalistas foi constituído no ano 2004 a iniciativa da Unión do Povo Galego (UPG) formación política hexemónica e que na actualidade controla ao Bloque Nacionalista Galego.
ANTICIPO EXTRAORDINARIO
Non só a fundación da UPG vese favorecida pola achega desta axuda extraordinaria, baixo o pretexto de “colaborar no financiamento dos gastos de funcionamento do estudo sobre o movemento estudantil galego”, senón que ademais os integrantes do goberno provincial bipartito acordan anticipar o abono do 60% da subvención, isto é, un total de 18.000 euros.
A maiores de todo isto, a Deputación de Lugo, a través da Vicepresidencia primeira realiza patrocinios económicos destinados á publicitar o ente provincial na revista que edita esta fundación.
ABUSO DAS SUBVENCIÓNS DIRECTAS
Os populares lucenses que o Goberno bipartito da Deputación provincial abusa de xeito habitual e reiterado deste procedemento de concesión de subvencións directas, sobre todo nas proximidades de calquera cita electoral e para favorecer a concellos ou asociacións da mesma cor política que a das forzas do bipartito.
Curiosamente a normativa vixente en materia de subvencións di que o procedemento de concesión directa, por limitar o principios de publicidade e concorrencia, deberá tar un carácter excepcional e, en todo caso será aplicable cando se acrediten razóns de interese público, social, económico ou humanitario, ou outras debidamente xustificadas que dificulten a súa convocatoria pública. Só unha interpretación partidista e nesgada desta normativa permitiría deducir que, neste caso concreto, estas causas concorren para autorizar á fundación próxima ao BNG a recibir estas axudas.
SEGUIMENTO
Os populares non só fan pública esta denuncia que pon de relevo o uso partidista dos fondos públicos que xestiona a Deputación de Lugo senón que adiantan que presentarán cantas iniciativas de seguimento e control sexan preciso para depurar as responsabilidades políticas e xurídicas que destes feitos puideran derivarse.
Resulta evidente que Gómez Besteiro e Antón Veiga dirixen e forman parte dun goberno -o bipartito da Deputación lucense- cun moi dubidoso compromiso coa transparencia e a ética política o que lles leva a acometer este tipo de prácticas como mínimo cuestionables.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
