EMMA ÁLVAREZ DESTACA A ELEVADA PARTICIPACIÓN NO ENCONTRO MANTIDO NAS ÚLTIMAS HORAS CO EMPRESARIADO DE LOURENZÁ. NA XUNTANZA ACORDÓUSE CREAR UNHA XUNTA XESTORA PARA DIRIXIR OS DESTINOS DO COLECTIVO ATA A CONSTITUCIÓN DUNHA DIRECTIVA.
Lourenzá, 5 de outubro de 2012. A alcalde de Lourenzá, Emma Álvarez, destaca a elevada participación no encontro mantido nas últimas horas co empresariado do municipio. Na xuntanza acordóuse crear unha xunta xestora para dirixir os destinos do colectivo ata a constitución dunha directiva. A primeira reunión será o vindeiro luns, 8 de outubro.
Álvarez Chao explicou que “onte á noite tivemos unha reunión con comerciantes, industriais e autónomos que consideramos, eu e os meus compañeiros do equipo de goberno que estábamos na xuntanza, que foi moi satisfactoria. Antes de nada quixera dar as gracias a cada un deles porque foi moi concurrida, houbo preto de 80 persoas na reunión, foi unha convocatoria moi satisfactoria polo número de asistentes e en canto a contidos tamén”.
A rexedora dixo que “dende os distintos sectores dentro do comercio, da industria e tamén dos autónomos alí representados fixeron unha serie de suxerencias para que o Concello actuara. Esa serie de propostas están anotadas e a partires da semana que ven poñerémonos a traballar xa para poder ir incorporándoas ao noso labor diario”.
Emma Álvarez seguiu a relatar que “a maiores trataouse un tema moi importante para un concello e sobre todo para os comerciantes, que é buscar un ente que os aglutine e que serva de nexo de comunicación e de interlocución co Concello e, xa de paso, con outras administracións. Falouse da antigua Acial e a decisión que se tomou por parte dos comerciantes, que eu valoro moi positivamente, foi facer unha xunta xestora onde están representados seis sectores do noso comercio e autónomos, divididos en hostelería, pequeno comercio, alimentación, industriais, sanitarios e servizos, cun total de 17 persoas voluntarias que se van reunir xa o vindeiro luns pola noite para a partires de aí empezar a sentar as bases para unha nova asociación, para retomar a que xa había ou simplemente para buscar un nexo de comunicación entre o pobo, neste caso comerciantes, autónomos e industriais, e o Concello”.
A alcalde de Lourenza engadiu que “na xuntanza de onte tamén se falou da organización do próximo Antroido, sobre todo dos actos do Domingo de Piñata, que é o día grande deses festexos en Vilanova de Lourenzá”.
E insistiu en que “foi unha reunión moi satisfactoria, darlles as gracias aos comerciantes pola súa resposta e sobre todo animalos a que sigan traballando así. Como é lóxico agora dende o Concello temos que apartarnos e son eles os que deberán sacar adiante, coa nosa axuda dentro do posible, esta nova proposta. Os políticos apartarémonos para que traballen do seu xeito sin estar coaccionados por ninguén”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
