O candidato popular sinala que socialistas e nacionalistas deberían pedir perdón aos veciños da Mariña por retrasar durante a súa etapa de mandato todos estes investimentos que si levaron adiante desde o PP
Balseiro lembra que o único que se investiu no Hospital da Costa nos últimos oito anos foi durante a lexislatura de Goberno do PP
Salienta os dous millóns de euros achegados para a reforma integral do servizo de Tocoxinecoloxía, a reforma da cuberta, rampla de acceso, ampliación da área de espera da resonancia, espazo de farmacia e áreas de arquivo do hospital e a adquisición de novos ecógrafos e o investimento inminente na mellora do servizo de anestesia.
Balseiro asegura que antes de fin de ano Sanidade presentará o novo plan funcional do Hospital da Costa no que xa está traballando a Xunta e no 2013 o plan director e arquitectónico que fará posible a ampliación do centro na vindeira lexislatura.
A Mariña, 3 de outubro de 2012.- O deputado e número tres da candidatura do Partido Popular en Lugo, Jose Manuel Balseiro, explicou hoxe a socialistas e nacionalistas que os únicos investimentos realizados no Hospital da Costa nos últimos oito anos foron os que se levaron a cabo na última lexislatura co goberno do Partido Popular. Balseiro pon de relevo as mentiras de socialistas e nacionalistas en relación co centro sanitario de referencia da Mariña que foi totalmente esquecido polo bipartito
INVESTIMENTO CERO FRONTE A 2 MILLÓNS DE EUROS
Balseiro contrapuxo a achega -nestes últimos catro anos- de máis de dous millóns de euros en obras e melloras tecnolóxicas para este centro hospitalario de referencia da Mariña lucense, co investimento cero durante a etapa de goberno bipartito, un feito que non tiveron mais remedio que recoñecer desde a Xunta de Galicia gobernada por PSOE e BNG a través dunha resposta parlamentaria ao propio deputado popular.
OBRAS E MELLORAS TECNOLÓXICAS
Entre as actuacións desenvolvidas polo PP, e esquecidas por socialistas e nacionalistas durante o seu mandato están, a reforma integral do servizo de Tocoxinecoloxía, para o que se investiu máis de un millón de euros e as obras de mellora por un importe de 518.793 euros na reforma da cuberta, rampla de acceso, ampliación da área de espera da resonancia, farmacia e áreas de arquivo do hospital
Balseiro tamén recorda que fronte aos cero euros do bipartito, o PP investiu en equipamentos para a modernización tecnolóxica do hospital como foi os 169.000 para a adquisición de novos ecógrafos nas áreas de cardioloxía, xinecoloxía e radioloxía, ou a implantación do servizo de prevención precoz do cancro de mama que agora dispón de instalacións permanentes no hospital, moito máis modernas.
A todas estas actuacións sumamos tamén o investimento inminente para a reforma integral de todo o servizo e tecnoloxía de anestesia cunha achega estimada de preto de 200.000 euros.
AMPLIACIÓN DO HOSPITAL
Os populares lembraron que a próxima lexislatura será a da ampliación do Hospital da Costa, a gran materia pendente, na que o Goberno do Partido Popular vén traballando intensamente nos últimos anos xa que está antes de final de ano terá rematado o plan funcional -moderno e adaptado ás novidades técnico-cirúrxicas actuais- e no 2012 presentará o plan director e arquitectónico do Hospital da Costa.
PEDIR PERDÓN
Todos estes datos obxectivos demostran que socialistas e nacionalistas non están lexitimados para falar do hospital da Costa, todo o contrario, “o que deberan facer -dixo Balseiro- é pedir perdón aos veciños da Mariña por retrasar catro anos durante a súa etapa de mandato todos estes investimentos e proxectos que si levou adiante o PP”
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
