BURELA .- O próximo venres, 3 de abril o grupo burelés Marosa Jazz Project, ás 21,20 horas, no Auditorio de Burela ofrecerá un concerto como parte da programación de primavera do concello. O grupo musical está formado por Roberto Bouça, que toca o Saxo Alto; Israel Arranz, que fai soar o Vibráfono e MalletKAT; Mario Arranz, interpreta o Baixo Eléctrico, e Eusebio López, percutindo a Batería e Caixón Flamenco. O grupo conta co seu propio blog www.marosajazzproject.blogspot.com
Este cuarteto-proxecto dáse a coñecer oficialmente o 30 de Xullo de 2008 con motivo do I SEMINARIO de Jazz de Burela.. Os seus integrantes teñen, pese á súa xuventude, unha recoñecida e dilatada traxectoria musical.
Dentro do xénero jazzístico, o seu estilo predominante é o latin-jazz, como se aprecia tanto no repertorio como nos arranxos dos temas. O seu repertorio e interpretación están claramente influenciados, entre outros, polo traballo musical da agrupación “Caribbean Jazz Project”, fundada na década dos 90 e liderado polo virtuoso vibrafonista Dave Samuels.
Destacan colaboracións musicais como as do saxofonista José Nine e do pianista Javier Constenla e pola supervisión dalgúns dos arranxos por parte do vibrafonista Arturo Serra.
Actualmente traballan na gravación do seu primeiro disco con temas inéditos, na preparación de diversos concertos e nunha xira de actuacións en Palma de Mallorca.
Arranxos dos temas realizados por Israel Arranz
Programa:
1. BLUELLESPIE……………………………….Paquito d´ Rivera
2. LADY BIRD…….………………………….…….Tadd Dameron
3. CALABASH………………………………..…………Andy Narell
4. RAPTURE….…………………………………………Harold Land
5. LONNIE´S LAMENT…………..……….……..John Coltrane
6. GREEN DOLPHIN STREET………….Washington/Kaper
7. LA FIESTA…….……………………………………..Chick Corea
8. CARIBE…………….……………….…….……..Michell Camilo
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
