VICEPRESIDENCIA SÚMASE ÁS REIVINDICACIÓNS QUE SOLICITAN UN MAIOR PESO DE LUGO NO CONSELLO DE ADMINISTRACIÓN DA AUTORIDADE PORTURARIA
Aprobado un convenio de colaboración entre a área de Cultura e a UNED de Lugo para a elaboración de material audiovisual para persoas con capacidades diferentes
Outeiro contrapón as políticas de recorte da Xunta, que favorecen a exclusión de persoas con discapacidade, coas iniciativas nas que colabora a Deputación e que favorecen a súa inclusión social e laboral
Lugo, 26 de outubro de 2012. A Vicepresidencia da Deputación sumouse hoxe ás voces que reclaman unha Autoridade Portuaria para Lugo e chaman a atención sobre as desvantaxes que iso supón, principalmente, para a comarca da Mariña.
Na rolda de prensa celebrada trala Xunta de Goberno, o delegado de Cultura e Turismo e portavoz nacionalista na institución provincial, Mario Outeiro, lamentou que “Lugo sexa a única provincia marítima de todo o Estado que carece de Autoridade Portuaria propia, o que provoca que todo o diñeiro que xera San Cibrao polo cobro de taxas e canons do porto non reverta na economía da comarca. Algo insólito cando o porto de San Cibrao xera ao redor do 40 por cento da cota total de negocio da Autoridade Portuaria de Ferrol – San Cibrao”.
“Hai xustamente un ano –recordou o delegado- a Xunta de Goberno da Deputación aprobaba un acordo para instar á consellería de Pesca a modificar a composición do Consello de Administración de dita Autoridade Portuaria co fin de aumentar a presenza lucense e equilibrar a súa composición en función da aportación que, en concepto de taxas, fai cada un dos portos, pero o Goberno galego segue sen pronunciarse ao respecto e, mentres tanto, Lugo continúa recibindo un trato discriminatorio”.
Mario Outeiro insistiu na importancia de que o Goberno galego solicite a transferencia das competencias de portos de interese xeral do Estado para fortalecer a competitividade das empresas da Mariña, que teñen que empregar portos de fora da provincia ou incluso de fora da comunidade. “O sector forestal leva tempo reclamando a apertura ao tráfico comercial do dique norte de Alcoa para que a distribución da madeira extraída dos montes non teña que facerse dende o porto de Xixón. Empregar o dique norte de Alcoa permitiría incrementar o prezo da madeira o que repercutiría directamente nos produtores da Mariña e contribuiría a xerar novos postos de traballo. Acontece o mesmo co sector pesqueiro; poder contar co dique norte da alumieira melloraría a competitividade do sector ao evitar que a exportación dos produtos manufacturados teña que facerse dende A Coruña. En definitiva, ter as competencias en materia de portos de interese xeral do Estado axudaría a pór en valor e empregar todas as potencialidades da comarca para fortalecer o tecido produtivo, peza imprescindíbel para saír da crise que padecemos e que está a ser especialmente agresiva cos traballadores e traballadoras e coas pequenas e medianas empresas, que son a maioría”.
Convenio coa UNED
A Xunta de Goberno aprobou un convenio de colaboración entre a área de Cultura e Turismo e a UNED de Lugo para o deseño de videoclases e recursos multimedia accesibles a persoas con capacidades diferentes, por valor de 25.000 euros.
O delegado de Cultura da Deputación sinalou que “o acceso á tecnoloxía dos sistemas de información é vital para as persoas con discapacidade xa que aportan dimensións até agora inalcanzables para este colectivo ao axudar a suplir gran parte das súas carencias e potenciar as súas capacidades, ademais de mellorar a autonomía e independencia”.
Outeiro rematou a súa intervención contrapoñendo esta iniciativa coa política de recortes do Partido Popular que asegurou “potencia o risco de exclusión deste colectivo. Os recortes en dependencia, sanidade e educación merman a capacidade económica dos discapacitados e das súas familias limitando a súa integración social e laboral e, polo tanto, diminuíndo a súa calidade de vida”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
