O GOBERNO DO ESTADO DEIXA A PRETO DE 2.000 LUCENSES SEN SERVIZO DE TELEASISTENCIA DOMICILIARIA
Antonio Veiga denuncia que as razóns esgrimidas polo Executivo de Mariano Rajoy son arbitrarias e unha escusa máis para deixar desprotexidos a milleiros de maiores
Vicepresidencia da Deputación urxe á Xunta de Galiza a asumir o 65 por cento do custe deste servizo, valorado positivamente polos usuarios, as súas familias e os traballores sociais
‘Unha vez máis queda en evidencia que as políticas do Partido Popular son alleas á realidade e contrarias ás demandas da sociedade’
Lugo, 7 de novembro de 2012. O vicepresidente da Deputación de Lugo e delgado provincial de Benestar Social e Turismo, Antonio Veiga, amosou, hoxe, o seu rexeitamento á decisión do Goberno central de suprimir dos orzamentos xerais do Estado para 2013 a partida destinada ao servizo de teleasistencia domiciliaria e a súa preocupación polas ‘nefastas consecuencias’ que esta medida terá para as persoas maiores, sobre todo do rural galego.
Antonio Veiga denunciou que ‘os criterios aducidos polo Goberno central ao respecto, a aplicación de criterios de racionalidade e eficiencia administrativa, son absolutamente subxectivos e unha escusa máis para deixar desprotexidos a milleiros de persoas maiores de 65 anos.’
Segundo os datos da Vicepresidencia da Deputación esta ‘decisión arbitraria’ do Executivo deixa a máis de 1.589 lucenses sen un servizo valorado positivamente tanto polos propios usuarios e usuarias, que ante calquera adversidade saben que serán atendidos con brevidade, como polas súas familias e os traballadores e traballadoras sociais.
‘Ademais –insistiu o delegado provincial-, o servizo de teleasistencia ten a vantaxe de que funciona nun radio de acción maior ao do fogar, favorecendo a confianza dos usuarios e usuarias no servizo así como a posibilidade de que poidan seguir mantendo certo grado de independencia a pesar da idade.’
Veiga tacha de ‘irresponsábeis ao presidente Mariano Rajoy e á ministra de Sanidade, Servizos Sociais e Igualdade, Ana Mato, por presentar uns orzamentos cunha medida que deixa desatendida a unha parte importante da poboación lucense. Unha vez máis, demóstrase que as políticas do Partido Popular non responden á realidade porque do contrario non rematarían con este servizo de teleasistencias domiciliaria, xa que son sabedores de que en comunidades como Galiza o avellantamento medra catro veces máis que a media estatal e que provincias como Lugo e Ourense teñen, xunto con Xapón, o maior envellecemento mundial.’
A Vicepresidencia da Deputación comprométese a seguir aportando o 35 por cento do custe do servizo e pide á Xunta de Galiza que asuma o 65 por cento restante e que até o de agora asumía o ministerio a través do INSERSO. ‘Núñez Feijóo ten unha nova oportunidade para demostrar o seu compromiso coas políticas sociais e cos maiores asumindo a prestación do servizo de teleasistencia domiciliaria’ – sentenciou Antonio Veiga.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
