O CONCELLO INICIA A REPARACIÓN DE CAMIÑOS EN VARIAS PARROQUIAS. OS TRABALLOS SUPORÁN UN INVESTIMENTO DE 68.000 EUROS.
Ribadeo, 22 de novembro de 2012. O Concello procede a reparar camiños en varias parroquias. Os traballos, que se farán con fondos propios e tamén con cargo ao POS da Deputación de Lugo, suporán un investimento de 68.000 euros. As vías atópanse en Covelas, Cedofeita, Ove, Piñeira, Vilaselán, Vilaframil e A Devesa.
O alcalde, Fernando Suárez, anunciou que “no día de hoxe comezan os traballos de reparación dunha serie importante de camiños municipais en moitas das parroquias do noso concello atendendo tamén moitas das reivindicacións das propias asociacións de veciños e sabendo que Ribadeo ten unha rede impresionante de camiños con moitos quilómetros. E aínda que tódolos anos amañemos e rebacheemos a chuvia, as xeadas, o mal tempo e o paso dos vehículos vanos estragando, de tal maneira que cando acabamos de amañar todo de alí a pouco tempo outras fochas e novos danos empezan a aflorar”.
O rexedor sinalou que “agora a situación respecto a outros anos é que cada vez temos menos diñeiro os concellos. Para mostra un botón: o Plan de Obras e Servizos que vamos levar adiante entre a Deputación de Lugo e máis o Concello vese reducido á metade, dado que a achega do Goberno estatal é de cero euros. E realmente iso lévanos a que teñamos que ir tirando máis de fondos propios municipais para tentar salvar esta deficiencia, porque a xente non se pode deixar desatendida cando hai baches nos camiños”. E engadiu que “agora temos que incrementar a nosa partida de fondos propios e entre o Plan de Obras e Servizos e o plan municipal ascende a uns 68.000 euros, que non nos van dar para facelo todo o ben que quixéramos nin para chegar a tódolos camiños que quixéramos, pero cando menos no que queda de ano vamos darlle unha boa voltiña, para que estea máis ou menos aceptable, e en todo caso para o ano que ven volver facer outra remesa de camiños”.
Fernando Suárez referíuse tamén “a este camiño que se estaba vendo eterno o seu amaño por parte da Xunta, a subida a Noceda, obra pola levamos xa esperando dous anos e pico e que sufriu diversas suspensións. Esperemos que no vindeiro mes de decembro se poñan dunha vez por todas a amañalo porque vai resolver tamén unha importante vía de comunicación entre as parroquias da costa a as do interior, que é a subida a Noceda”.
O alcalde de Ribadeo dixo que “seguimos atendendo as necesidades das asociacións de veciños. Moitas veces tomamos nota e non o podemos facer nese mesmo momento, pero acabamos facendo moito do que nos piden”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
