VICEPRESIDENCIA CHAMA Á UNIDADE NA LOITA CONTRA A VIOLENCIA DE XÉNERO CON ACTIVIDADES NOS MUSEOS DA PROVINCIA
O delegado de Benestar Social e Igualdade denuncia a involución lexislativa iniciada polo ministro de Xustiza en temas tan sensíbeis como o aborto e asegura que o PP quere limitar o espazo da muller ao ámbito privado
Dende a Área de Ensino sinálase o papel da educación para loitar contra esta lacra pola que o Goberno central parece despreocupado ao retirar a maioría de campañas de sensibilización
Lugo, 25 de novembro de 2012. Con motivo do Día Internacional da Loita contra a Violencia de Xénero que se celebra cada 25 de novembro, cada un dos museos que conforman a Rede Museística Provincial desenvolveron actividades artísticas para homenaxear a todas as mulleres que, ao longo da historia, se rebelaron contra a orde establecida que as oprimía e a todas aquelas que padeceron algún episodio violento contra a súa persoa, tentando, ao mesmo tempo, chamar a atención sobre a importancia da educación para erradicar este tipo de violencia.
O vicepresidente da Deputación de Lugo e delegado das Áreas de Benestar Social, Deporte, Igualdade e Mocidade, Antonio Veiga, e o delegado de Cultura, Turismo, Ensino, Normalización Lingüística e Patrimonio, Mario Outeiro, participaron nestas actividades no Museo Provincial do Mar e no Museo de Lugo, respectivamente, e nas que o obxectivo era elaborar o retrato da artista lucense Maruja Mallo a modo de composición coas fotografías dos rostros de todas aquelas persoas que se acercaron á Rede Museística ao longo do día.
Con motivo deste día, Veiga denunciou “o proceso de involución lexislativa iniciado polo ministro de Xustiza, Alberto Ruíz Gallardón, en temas tan sensíbeis como a Lei do Aborto” e que “a política de recortes do Partido Popular volve situar ás mulleres no ámbito privado obrigando a toda a sociedade a volver a loitar contra os dereitos que este colectivo xa tiña recoñecidos”.
“Se un dereito fundamental – continuou o o delegado provincial – como debe ser o do aborto non sempre pode exercerse na Sanidade Pública debido á obxección de conciencia á que se poden acoller os facultativos, volve a situarse ás mulleres en décadas pasadas e a recuperar as viaxes a Londres. Esta é a consecuencia das políticas do Partido Popular coas que quere limitar o espazo das mulleres limitándoas a permanecer na casa e ao coidado dos fillos. Dende a Vicepresidencia da Deputación entendemos que a loita contra a violencia de xénero debe facerse dende todos os eidos e con políticas transversais”.
Pola súa banda, durante o acto no Museo de Lugo, Mario Outeiro fixo un chamamento á “unidade das administracións públicas e da sociedade para frear esta lacra” e enfatizou “a importancia da educación como camiño para logralo”.
O delegado de Ensino recordou que “a chegada do Partido Popular ao Goberno do Estado supuxo a supresión da maior parte das campañas de sensibilización contra a violencia de xénero o que demostra a súa falla de preocupación por un problema que require un tratamento especial en calquera axenda de goberno”.
As actividades organizadas pola Rede Museística con motivo do Día Internacional contra a Violencia de Xénero serviron para renderlle homenaxe, tamén, á pintora viveirense Maruja Mallo, a máis recoñecida das artistas galegas do século XX, que no ano 1982 conseguiu a Medalla de Ouro das Belas Artes e a quen se lle dedicou, en 1993, unha exposición antolóxica no Centro Galego de Arte Contemporánea, entre outros recoñecementos. Unha figura na que galeristas e críticos ven reflectida a encarnación dunha vangarda ocultada polo franquismo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
