ÁLVAREZ, UN BO E XENEROSO
Roberto Bouça *.- Hai novas que caen como unha xarra de auga fría, que producen un arrepío que che paraliza o corpo enteiro e que che corta a respiración. Son novas para as que un aínda non está preparado e que te deixan como unha pedra.
Así fiquei eu, como unha pedra, cando me comunicaban o repentino pasamento do compañeiro Xosé Manuel Álvarez Iglesias, na tarde do pasado venres. Álvarez, como era coñecido polas súas amizades, incorporouse á Asemblea Local do BNG de Burela hai só uns meses, mais neses poucos meses, os seus compañeiros e compañeiras fomos quen de saber que era un militante e unha persoa excepcional.
Álvarez, veciño de Burela desde hai moitos anos, era operário na factoría de Alcoa en San Cibrao. Era por tanto un traballador fillo tamén de nai e pai traballadores. En Alcoa participaba activamente no sindicalismo nacionalista e de clase, no que deitaba grande esforzo e dedicación. Así nolo transmitiu nas últimas mobilizacións dos traballadores de Alcoa por unha tarifa eléctrica que permitise a continuidade da propia fábrica e dos 2.000 postos de traballo que estaban en xogo.
A súa loita infatigábel non atendía a intereses de tipo persoal ou sectorial. Álvarez loitaba movido pola xustiza social, pola solidariedade de clase, polo futuro da Mariña, polo traballo digno na nosa Terra, pola solidariedade dos povos… en definitiva, por aquelas cousas polas que traballamos os e as nacionalistas de esquerdas neste País. Era doado velo en calquera acto organizado na Mariña: os peches pola defensa do ensino público, concentracións da Plataforma Sanitaria da Mariña, nas folgas xerais, nas mobilizacións da CIG, actos do BNG. Nas últimas semanas puidemos velo participar activamente na Folga Xeral do pasado 14-N, na concentración de Foz en apoio ao povo palestino, no acto en defensa do aforro galego e dos postos de traballo en NCG o pasado luns en Burela…
Fóra do seu traballo militante sabemos que aínda lle ficaba tempo para ser un pai excepcional. Coa súa perda irreparábel vaise un “bo e xeneroso”, dos poucos que aínda fican nestes tempos que corren. O seu nome, como o de moitas persoas non sairá nos libros de História, mais a súa memória ficará acesa no noso traballo e na nosa loita diaria por unha Galiza Ceiva, pois Álvarez deixou “semente de vencer”.
Os compañeiros e compañeiras do BNG non te esquecemos. Aproveito para manifestar o noso máis sentido pesar e mandar unha forte aperta a familiares e amig@s.
*Roberto Bouça. Responsábel Local do BNG Burela
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
