Lamenta a ignorancia coa que unha e outra vez actúa o PSOE neste caso atribuíndo á Xunta a responsabilidade polas decisións dunha empresa privada: Porto de Celeiro
BALSEIRO AMÓSASE SATISFEITO COA CONTINUIDADE DA LONXA DE SAN CIPRIÁN
O deputado popular interesouse ante a sociedade que xestiona a lonxa sobre o futururo dun servizo dirixido a mariñeiros e mariscadores da zona
Cervo 15 de decembro de 2012.- O deputado popular e secretario do Parlamento de Galicia, Jose Manuel Balseiro, amosou a súa satisfacción logo de confirmarse que a a sociedade de armadores Puerto de Celeiro decidiu manter aberta e, polo tanto, dar continuidade á actividade da lonxa de San Ciprián.
Balseiro explica que cando tivo coñecemento da primeira intención de cesar na actividade desta lonxa mantivo reiterados contactos e desenvolveu distintas xestións diante da propia compañía xestora –Porto de Celeiro-, co patrón maior da confraría de San Ciprián e coa administración, que non tiña pensado facer público, porque o importante era o acordo sobre a continuidade non as xestións que fixeron posible o mesmo.
O deputado popular aclarou que foi esta sociedade armadora privada –porto de Celeiro- concesionaria da lonxa de San Ciprián, da que é titular a propia confraría quen logo de diversas xestións, vaoracións e xuntanzas adoptou a decisión final de abrila dous días á semana, como ata o de agora, e seguir facéndoo durante o 2013 en función da actividade de compra-venda que se manteña. De feito a lonxe precisa de persoas que decidan vender alí os seus produtos e de compradores que puxen polos peixes e mariscos.
O parlamentario valora esta nova oportunidade para a lonxa de San Ciprián que seguirá plenamente operativa ofrecendo os seus servizos aos usuarios, mariñeiros e mariscadores que así o desexen sen necesiadade de desplazarse a outras lonxas para vender os seus productos do mar.
IGNORANCIA POLÍTICA SOCIALISTA
O deputado popular lamentou as críticas dirixidas contra a súa persoa polo PSOE que están cargadas “de evidente ignorancia política impropia de calquera cargo publico que se prece”. De feito os socialistas non só confuden o Parlamento de Galicia coa Xunta, e polo tanto mesturan o Poder Executivo (goberno) co Lexislativo (Parlamento) ao asegurar que o propio Balseiro é un “membro da Xunta, algo que non é certo”, se non que además atribúen á Administración galega a responsabilidade sobre unha decisión –a continuidade de lonxa- que corresponde única e exclusivamente a unha empresa privada.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
