UN PASEO POLA HISTORIA DA EDUCACIÓN ESCOLAR EN FOZ
Un paseo socrático pola Historia da educación escolar na vila de Foz e moi particularmente sobre a escola de Fondós. Así vexo eu o contido do novo libro que acaba de publicar o profesor Antón Niñe. A sensación que tiven cando o lin foi como se nos xuntásemos para tomar un café e pouco despois fósemos dar unha volta polo paseo marítimo: el contándome o esencial sobre un edificio emblemático da súa vila e eu escoitándoo atentamente e facéndolle algunha que outra pregunta.
Encántame o estilo divulgativo do libro, que está escrito de tal maneira que se sitúa ao alcance de todos. Tanto pode ser lido por un neno de doce anos como por seus pais ou polos seus avós. O investigador ten os feitos históricos tan ben coñecidos que é capaz de nolos contar cunha fluidez sorprendente. Comeza en 1749 e ofrécenos unha panorámica do século XVIII moi ben edulcorada coas referencias ao fundador da institución de Fondós, o indiano Pascual Villapol. Sen esquecer a historia de Foz e as súas parroquias no período comprendido entre 1800 e 1900, o autor sitúanos noutro momento clave: o século XX. Fai parada no período docente doutro Antón -Noriega Varela- ofrécenos unha semblanza del, de Vilar Ponte, de Camilo Cela Trulock; fálanos da revista Guau Guau; documenta a sanción ao mestre, co castigo de tralado forzoso a Calvos de Randín; e recolle poemas moi significativos de Noriega, de Manuel María e do vate local Xosé de Socorro. Unha delicia.
Para o camiño de volta non nos reserva algo menos interesante. Primeiro descríbenos as colonias escolares e despois evócanos o maxisterio e o labor de dinamización económica de Ramón Salgado Toimil, ese tipo de persoa a quen o vecindario denominaba “O Mestre”. Mais, para que vaiamos contentos co paseo, aínda nos resolve os enigmas sobre os colexios Martínez Otero e Nosa Señora do Pilar e cóntanos con orgullo como na súa vila teñen Escola Infantil desde 1965.
O caso é que despois de ler a narración e de escoitar a Antón na presentación, confeso que teño sana envexa dos nenos e nenas que estudaron ou estudan naquela casiña de Fondós. Un edificio tan lindo merecía un libro así.
Bernardo Penabade
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
