Un empate e unha victoria, resultados dos equipos base do C.D.Foz. Os INFANTÍS xogaron o sábado en Ferrol ante o Galicia de Caranza, e sacaron un empate a cero goles. O equipo de Burunda soubo contrarrestar o xogo dos ferroláns e manter a súa portería invatida, dispoñendo de un par de ocasións bastante claras que sacou mui ben o porteiro local.Con este resultado os focegos acomódanse na metade da táboa clasificatoria, moi alonxado dos postos de descenso.O vindeiro domingo cerran a primeira volta enfrontándose a un dos cocos da categoría, como é o Conxo santiagués, pero os blanquivermellos andan moi fortes no Martínez Otero.O domingo pola maña, no Municipal de Malates xogaron os CADETES, ante o Monterroso sexto clasificado, nun terreo de xogo anegado pola auga que caeu antes e durante o encontro.Mal partido dos de Oke que empezaron perdendo índose o descanso con cero a un, nunha pésima primeira parte dos focegos.Xa na segunda metade o equipo foi pa diante con todo en busca de dar volta o marcador, e así Gonzalo nun dobre remate de cabeza puxo as táboas no marcador.Seguiron buscando o segundo gol os de Oke acorralando os visitantes pero non foi ata o derradeiro minuto cando Germán de un tiro dende o borde da area anotou o gol que deixaba os tres puntos na casa, e fai que sigan con pleno de triunfos na liga que dominan con claridade.O vindeiro domingo desprázanse a Becerreá, terceiro clasificado, nun partido que se presenta moi duro dado o bo nivel do adversario e as reducidas dimensións do terreo de xogo.Os Xuvenís descansaron esta fin de semana.
ÚLTIMA HORA
- O Festival Bal y Gay regresa a Burela cun recital de tenor, soprano e piano no Auditorio
- A festa comeza no Campo da Veiga cun IX Torneo Maruxaina cheo de ambiente
- Lourenzá celebra unha nova tarde de lecer con Xogando á petanca dentro de Verán na Praza
- O fútbol feminino e masculino volven a Ribadeo co Emma Cuervo: Dépor–Sporting e Racing–Avilés
- A A.C. Pomba do Arco organiza o vindeiro xoves 13 de agosto, ás 20:30 horas, un acto público no salón de actos do Cenima de Foz dedicado á memoria da emigración mariñá
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade. - Seis pintores do Valadouro é a nova publicación do SEVA, un caderno dedicado á obra de seis artistas plásticos: Carmen Ossorio, Xosé Blanco, Arturo Mogo, Hipólito Xeada, Alaxe e Mar Vicente
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro. - Éxito de participación nas escolas deportivas de verán do Concello de Ribadeo
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”. - A conselleira de Vivenda e Planificación de Infraestruturas, María Martínez Allegue, acompañada polo delegado territorial da Xunta en Lugo, Alfonso Villares, mantivo este mércores unha reunión de traballo co alcalde de Xove, Demetrio Salgueiro
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica. - En Cervo Concilia xa están en Modo Maruxaina ON
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración. - Con motivo da celebración da Festa da Xuventude de Viveiro, será necesario realizar un corte temporal ao tráfico na Travesía da Mariña, entre a Praza de Lugo e a Porta de Carlos V
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición. - San Miguel de Reinante, en Barreiros, encherase de música, cor e tradición este sábado, 8 de agosto, co XLIII Festival Folclórico Internacional do Emigrante, declarado Festa de Interese Turístico
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
2021 Crónica 3 A Mariña - Implementado por GaliciaDigital